मुंबई : मुंबईतील मंडया सुरु करण्याची सशर्त परवानगी आज महापालिकेने दिली. रस्त्यावरील दुकानांप्रमाणेच एक दिवासाआड मंडयांमधील दुकाने सुरु करण्यात येणार आहेत; मात्र यात उपहारगृह, कॅन्टीन सुरु होणार नाही. मंडईमध्ये दुकानदारांनी वस्तूंची अदलाबदल अथवा वस्तू परत घेण्याचे धोरण ठेवू नये. तसेच रविवारी सर्व मंडया बंद ठेवण्यात येतील. त्याचबरोबर जेष्ठ नागरिकांची कामगार म्हणून नियुक्ती करता येणार नाही.
महापालिकेच्या बाजार विभागाच्‍या अखत्‍यारीत 92 किरकोळ मंडया, 16 खासगी मंडया व 95 मंडया समायोजन आरक्षण अंतर्गत प्राप्‍त झाल्‍या आहेत. अशा 203 मंडया मुंबईत आहेत. यातील काही मंडया प्रतिबंधित क्षेत्रात आहेत. या प्रतिबंधित क्षेत्रातील मंडयाबाबत स्थानिक पातळीवर प्रभाग कार्यालयामार्फत निर्णय घेण्याचे निर्देश आयुक्त इक्बाल सिंह यांनी दिली. मुंबईतील दुकाने सुरु करण्यासाठी पालिकेने सशर्त परवानगी दिली आहे. त्याच बरोबर मंडयामधील दुकाने सुरु करण्याची परवानगी मागितली जात होती. त्यानुसार ही परवानगी दिली आहे. लॉकडाऊनच्या काळात मंडयामधील जीवनाश्यक दुकाने सुरु होती. आता सर्व प्रकारची दुकाने सुरु राहणार आहेत.
मास्क, हॅण्ड-ग्लोव्हज्‌, सॅनिटायझरची व्यवस्था करणे, प्रत्येक व्यक्तीचे तापमान तपासणे, सुरक्षित अंतर राखणे या सर्व मार्गदर्शक तत्त्वांचे पालन करण्यासह आवश्यकता भासल्यास मंडईमध्ये गर्दी नियंत्रणात करण्यासाठी तात्पुरत्या स्वरुपात खासगी सुरक्षा रक्षक नेमणे आदी उपाययोजना करुन प्रशासनाला सहकार्य करण्यात येईल, असे या विविध संघटनांनी मान्य केले आहे. त्यानुसार ही परवानगी दिल्याचे पालिकेकडून सांगण्यात आले. सदर नियमांचे उल्लंघन केल्यास संबंधितांवर कठोर कारवाई करण्यात येईल, असा इशारा पालिकेने दिला.
हे आहेत नियम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.