मुंबई : सीबीएसई मंडळाचा दहावीचा ऑनलाईन निकाल 15 जुलै रोजी जाहीर होणार आहे. केंद्रीय मनुष्यबळ विकासमंत्री रमेश पोखरियाल निशंक यांनी ट्विटरवरून निकालाच्या तारखेविषयी घोषणा केली आहे. निशंक यांनी दहावीच्या विद्यार्थ्यांना बेस्ट ऑफ लक अशा शुभेच्छादेखील दिल्या आहेत. सीबीएसईच्या संकेतस्थळावर विद्यार्थ्यांना निकाल पाहता येणार असून अॅपच्या माध्यमातूनही विद्यार्थ्यांना निकाल समजू शकणार अाहे. विद्यार्थांना cbseresults.nic.in या संकेतस्थळावर निकाल पाहता येणार आहे.

चिंताजनक! राज्यातील युवाशक्तीच कोरोनाच्या सावटात; तब्बल 'इतक्या' हजारांहून अधिक तरुणाईला बाधा...

दरम्यान, नुकताच दोन दिवसांपूर्वी सीबीएसई मंडळाचा बारावीचा निकाल जाहीर झाला होता. बारावीचा यंदा निकाल 88.78 टक्के लागला असून गतवर्षीच्या तुलनेत निकालात 5.38 टक्क्यांची वाढ झाली आहे. तर यंदाही निकालात मुलींनी बाजी मारली असून 92.15 टक्के मुली परीक्षेत उत्तीर्ण झाल्या आहेत. तर 86.19 टक्के मुले उत्तीर्ण झाले आहेत. तृतीयपंथीय विद्यार्थ्यांचा निकाल 66.67 टक्के इतका लागला आहे. 

लोकलमधील अनावश्यक गर्दी टाळण्यासाठी पश्चिम रेल्वेने आखली 'ही' योजना

बारावीच्या निकालात 1 लाख 96 हजार विद्यार्थ्यांना यंदा 90 टक्क्यांपेक्षा अधिक गुण मिळाले आहेत. यामध्ये 90 टक्के आणि त्यापेक्षा अधिक टक्के मिळवणार्‍या विद्यार्थ्यांची संख्या 1 लाख 57 हजार 934 तर 95 टक्के आणि त्यापेक्षा अधिक गुण मिळवणार्‍या विद्यार्थ्यांची संख्या 38 हजार 686 इतकी आहे.
---
संपादन : ऋषिराज तायडे