मुंबई : धारावीमध्ये आज पुन्हा एकदा नवे 38 रुग्ण सापडल्याने  एकूण रुग्णांचा आकडा 1621 इतका झाला आहे. मात्र गेल्या दोन दिवसात कोणत्याही रुग्णाचा मृत्यू झाला नसल्याने मृत्यूचा आकडा 60 इतका आहे. धारावीतील बाधित रुग्णांच्या सहवासितांची तपासणी करण्यात येत असून त्यातील संशयित रुग्णांना क्वारंटाईन केले जाते. त्यांच्यातून हे बाधित रुग्ण सापडत असल्याची माहिती पालिकेने दिली. आज सापडलेल्या नव्या रुग्णांपैकी अधिकतर रुग्ण हे माटुंगा लेबर काम, धारावी कोळीवाडा, पीएमजीपी कॉलनी, मुकुंद नगर, सुभाष नगर या परिसरात सापडले आहेत. 

मोठी बातमी : थरकाप उडवणारा फोटो : KEM रुग्णालयातील शवागृह भरलं, मृतदेह ठेवलेत चक्क 'इथे'...

माहीम मध्ये 24 रुग्णांची भर
माहीम परिसरात आज 24 नव्या रुग्णांची भर पडली असून रुग्णांचा आकडा 375 वर पोचला आहे.  मोरी रोड, एमराल्ड कोर्ट, न्यु माहीम पोलीस कॉलनी आणि माहीम कॉजवे परिसरात सर्वाधिक रुग्ण सापडले आहेत. तर मृतांचा आकडा 8 इतका आहे.

नक्की वाचा : एसटी कामगारांची इम्युनिटी वाढवण्यासाठी 'हे' औषध द्या..महाराष्ट्र एसटी कामगार सेनेनं केली मागणी    

दादरमध्ये 6 नवे रुग्ण
दादर परिसरात ही आज 6 नवे रुग्ण सापडल्याने रुग्णांची संख्या 245 वर पोहोचली आहे. सुखशांती बिल्डिंग, उत्तुंग टॉवर, वसुदेवन निकेतन, कासारवाडी, जोशीला बिल्डिंग मध्ये हे रुग्ण सापडले आहेत. तर मृतांचा आकडा 7 इतका आहे.

death toll due to corona in Dharavi is staggering, adding 38 new corona patients throughout the day