मुंबई : महाराष्ट्रासह देशात कोरोनाचे संकट असताना अनेकजण स्वतःसह कुटुंबाचीही काळजी घेताना दिसत आहे. कोरोनाची लागण होऊ नये म्हणून प्रतिकारशक्ती अबाधित राहण्यासाठी काहीजण विविध उपाय योजत आहे. काही लोक घरीच स्वतःहून उपचार करत असल्याचे प्रकारही घडत आहेत. दरम्यान या काळात समाज माध्यमांवर स्वयंघोषित डॉक्टरांचा सुळसुळाट झाला आहे. अशा डॉक्टरांच्या उपचारांचे गंभीर परिणाम दिसून येत आहे. 

ल्युकेमिया असतानाही 'तिने' केली कोरोनावर यशस्वी मात; 9 वर्षाच्या चिमुरडीची कहाणी... ​

आयुर्वेदाच्या नावावर विविध काढे, औषधे देण्याचा सल्ला सध्या समाजमाध्यमांवर व्हायरल होत आहे. त्याच बरोबर कोव्हिडच्या रुग्णांना दिली जाणारी औषधे साधा ताप-सर्दी आल्यावरही घेण्याचाही सल्ला दिला जात आहे. त्यामुळे नागरिक सुरुवातीला एक-दोन दिवस घरीच उपचार करतात. मात्र, त्रास वाढल्यावर डॉक्टरचा सल्ला घेतला जातो. तसेच काढे घेऊन काही केलं तरी कोव्हिड होणार नाही, असा समजच नागरीकांनी करुन घेतल्याचे वैद्यकशास्त्रातील तज्ज्ञ सांगतात.

'कारपेटखाली कचरा दडवू नका'; भाजप आमदारांनी पालिका आयुक्तांना सुनावले...

फ्ल्यू सदृष्य म्हणजे ताप, सर्दी खोकला सारखी लक्षणं असल्यास तत्काळ वैद्यकिय सल्ला घेण्याचा नियम सरकारने केला. मात्र, त्याकडे दुर्लक्ष केले जाते, असे इंडियन मेडिकल असेसिएशनचे महाराष्ट्र अध्यक्ष डॉ.अविनाश भोंडवे यांनी सांगितले.

लोकांच्या मनातील कोरोनाची भीती होतेय कमी, होय 'हे' आता सिद्ध झालंय...

काही रुग्ण कोरोना झाल्यावर आम्ही काढा, औषधे घेतली, तरी कोरोना कसा झाला, असा प्रश्न विचारतात. त्यामुळे समाजमाध्यमांवरुन अनेक गैरसमज निर्माण झाल्याचे लक्षात येते, असेही डॉ.भोंडवे यांनी नमुद केले. समाजमाध्यमांवर अवलंबून राहाताना नागरिक आवश्यक बाबींकडे दुर्लक्ष करत आहेत. मास्क वापरणे, वैयक्तिक स्वच्छता ठेवणे, सुरक्षित अंतर अशा आवश्यक गोष्टींकडे दुर्लक्ष होत असल्याचेही डॉ.भोंडवे सांगतात.

व्हिडिओ: दिल्ली-मुंबई प्रवास अवघ्या १३ तासात, गडकरींनी शेअर केली ब्लू-प्रिंट

शास्त्रीय माहिती द्यावी 
अनेक देशांमध्ये रोज किंवा ठराविक दिवसांनी शास्त्रज्ञांकडून कोव्हिड बाबत शास्त्रीय माहिती जाहीर केली जाते. मात्र, भारतात अशी माहिती दिली जात नाही. अशा प्रकारची माहिती देऊन नागरीकांमधील गैरसमज दूर करावे, असेही डॉ.आविनाश भोंडवे यांनी सांगितले.
---
संपादन : ऋषिराज तायडे