मुंबई : रायगड आणि पुणे जिल्ह्याच्या सीमेवर असलेल्या घुटके गावाला नुकताच चक्रीवादळाचा तडाखा बसला होता. त्यातून लोक सावरत नाहीत तोच पुन्हा एकदा नवे संकट गावासमोर उभे राहिले आहे. मुळशी तालुक्‍याच्या टोकाला असणारे घुटके गाव हे अगदी डोंगराच्या पायथ्याला वसले आहे; मात्र या डोंगराला तडे गेल्याने माळीण सारखी दुर्घटना होण्याची भिती व्यक्त करण्यात येत आहे.
डोंगराला तडे गेल्याने गावाला धोका निर्माण झाल्याचे समजताच मुळशीचे तहसीलदार अभय चव्हाण, गटविकास अधिकारी जठार, मंडल अधिकारी योगेश थिटे, तलाठी गणेश पोतदार, ग्रामसेवक कांबळे भाऊसाहेब, विस्तार अधिकारी तसेच गावचे सरपंच श्रीराम वायकर यांनी गावाला भेट दिली. प्रशासनाने तातडीने हालचाली करत गावातील 14 कुटुंबातील 46 व्यक्तींचे संपर्क विद्यालयामध्ये पुर्नवसन केले आहे. जो पर्यंत शाळा सुरु होणार नाही तोपर्यंत गावकऱ्यांना येथेच ठेवण्यात येणार आहे. गावचे तलाठी गणेश पोतदार यांनी सांगितले की, मौजे घुटके येथील एकूण 14 कुटुंबांना गावाच्या जवळील संपर्क शाळेमध्ये स्थलांतरित करण्यात आले आहे. मौजे घुटके या गावची आजची लोकसंख्या 219 इतकी असून त्यामध्ये 68 स्त्रिया ,74 पुरुष आणि 77 मुले यांचा समावेश आहे.
गावकऱ्यांचे तात्पुरते पुर्नवसन हे गावापासून जवळच असणाऱ्या संपर्क महाविद्यालामध्ये करण्यात आले आहे. मात्र शाळा सुरू होईपर्यंत नागरिकांना येथे ठेवण्यात येणार आहे. वरिष्ठांच्या आदेशाप्रमाणे गावकऱ्यांचे पुर्नवसन करण्यात येणार असून त्यासाठी शेड उभारण्यात येणार आहे.
- गणेश पोतदार, तलाठी, भांबर्डे-घुटके गाव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.