मुंबई (अंधेरी) : मालाड येथे राहणार्‍या निधी मिश्रा या 22 वर्षांच्या प्रेयसीवर गावठी कट्ट्याने गोळी झाडल्यानंतर राहुल यादव या प्रियकराने रिव्हॉल्व्हरमधून स्वतःवर गोळी झाडून आत्महत्या केल्याची धक्कादायक घटना सोमवारी रात्री मालाड परिसरात घडली. या गोळीबारात दोघांचाही मृत्यू झाला असून त्यांचे मृतदेह शवविच्छेदनासाठी पाठविण्यात आले आहे.

मालाडच्या इनॉरबीट मॉलजवळच रात्री साडेनऊ वाजता ही घटना घडली. राहुल आणि निधी हे दोघेही एका खाजगी कंपनीत कामाला होते, निधी ही मालाड तर राहुल हा कांदिवली परिसरात राहत होता. त्यांचे एकमेकांवर प्रेम होते, मात्र ते दोघेही वेगवेगळ्या जातीचे असल्याने त्यांचा प्रेमाला आणि लग्नाला घरच्या लोकांचा विरोध होता. त्यांनी त्यांच्या कुटुंबियांना खूप समजविण्याचा प्रयत्न केला, मात्र त्यात त्यांना यश आले नाही. या प्रेमप्रकरणामुळे निधीच्या कुटुंबियांनी तिचे लग्न ठरविले होते. इतकेच नव्हे तर तिचा साखरपुडा देखील केला होता. ही माहिती राहुलला समजताच त्याने निधीला मालाड येथे भेटण्यासाठी बोलाविले होते, सोमवारी रात्री ते दोघेही इनॉरबीटजवळील एका मैदानात भेटले. यावेळी त्यांनी काही वेळ संभाषण केले. मात्र लग्नाला घरच्यांचा विरोध पाहता, या दोघांनी आत्महत्येचा निर्णय घेतला होता. 

महत्त्वाची बातमी : राऊत यांच्यानंतर शिवसेनेचा खासदार राहिलेला आणखीन एक बडा नेता ED च्या रडारवर ?

राहुल हा त्याच्यासोबत गावठी कट्टा घेऊनच आला होता, रात्री नऊ वाजता त्याने याच कट्ट्याने निधीवर गोळी झाडली आणि नंतर स्वतवर गोळी झाडून आत्महत्या केली होती. अचानक झालेल्या गोळीबारानंतर तिथे उपस्थित लोकांनी मुंबई पोलिसांच्या मुख्य नियंत्रण कक्षाला ही माहिती दिली. या माहितीनंतर बांगूरनगर पोलिसांसह वरिष्ठ पोलिस अधिकार्‍यांनी तसेच गुन्हे शाखेच्या अधिकार्‍यांनी तिथे धाव घेतली होती. 

रक्तबंबाळ झालेल्या या दोघांनाही तातडीने जवळच्या शासकीय रुग्णालयात दाखल करण्यात आले. मात्र तिथे त्यांना डॉक्टरांनी मृत घोषित केले. या दोघांची ओळख पटली असून ही माहिती त्यांच्या पालकांना कळविण्यात आलीद आहे. प्राथमिक तपासात राहुलने निधीवर गोळी झाडून नंतर स्वतवर गोळी झाल्याचे काही प्रत्यक्षदर्शीनी पोलिसांना सांगितले. याप्रकरणी रात्री उशिरा हत्येसह आत्महत्येचा गुन्हा नोंदविण्यात आला आहे.

महत्त्वाची बातमी : पहाटे चार वाजता APMC मध्ये पोहोचलेत रोहित पवार, म्हणालेत "शेतकऱ्यांच्या संरक्षणासाठी APMC ची गरज"

दरम्यान, राहुलकडे गावठी कट्टा कुठून आला आला याचा आता पोलिस तपास करीत आहेत.  घटनास्थळाहून पोलिसांनी गावठी कट्टा, रिकाम्या पुंगळ्या आणि जिवंत काडतुसे जप्त केले आहेत. या दोघांचे मृतदेह शवविच्छेदनासाठी पाठविण्यात आले, रात्री उशिरापर्यंत दोघांच्या नातेवाईकांची पोलिसांकडून जबानी घेण्याचे काम सुरु होते. 

महत्त्वाच्या बातम्या वाचण्यासाठी इथे क्लिक करा । Marathi from Thane, Navi Mumbai, Vasai-Virar, Mira Bhayandar, Kalyan Dombivali 

( संपादन - सुमित बागुल )

horrible incident in malad boyfriend shot his girlfriend and then shot himself