मुंबई : शीना बोरा हत्या खटल्यातील प्रमुख आरोपी इंद्राणी मुखर्जीचा जामीन अर्ज विशेष सीबीआय न्यायालयाने आज नामंजूर केला आहे.
कोविड 19 च्या साथीमुळे कारागृहात संसर्गाची भीती आहे, त्यामुळे जामीन मंजूर करावा, अशी मागणी इंद्राणीच्या वतीने न्यायालयात करण्यात आली होती. विशेष सीबीआय न्यायालयाचे न्या जे सी जगदाळे यांनी बुधवारी अर्ज नामंजूर केला.
आतापर्यंत तीने चारवेळा जामीनासाठी अर्ज केला आहे. हे चारही अर्ज नामंजूर झाले आहेत. याशिवाय तपासाच्या कारणावरूनही जामीन अर्ज केला असून तो प्रलंबित आहे.
ज्या प्रकारे सध्या कोरोना साथ सुरू आहे ते पाहता खटला किंवा प्रलंबित जामीन अर्जांवर कधी सुनावणी होईल याची माहिती नाही, त्यामुळे आता तात्पुरता जामीन मंजूर करावा, अशी मागणी केली होती. मागील पाच वर्षांपासून ती भायखळा कारागृहात आहे.
शीना तिची मुलगी होती आणि मालमत्तेचे वादातून इंद्राणीने आधी पती आणि वाहन चालकाच्या मदतीने शीनाची हत्या केली असा आरोप सीबीआयने केला आहे. शीनाचा मृतदेह रायगडमधील जंगलात सन 2012 मध्ये टाकण्यात आला होता. मात्र तीन वर्षानंतर अन्य एका प्रकरणाच्या तपासात हे हत्याकांड उघड झाले होते.
संपादन : अथर्व महांकाळ
indrani mukharjees Bail denied by CBI special court
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.