rashmi shukla 
मुंबई

Phone Tapping Case: IPS रश्मी शुक्लांना मुंबई पोलिसांचा समन्स

पोलिस अधिकाऱ्यांच्या बदलीप्रकरणी नोंदवला जाणार जबाब

विराज भागवत

मुंबई: पोलिस अधिकाऱ्यांच्या बदली प्रकरणात भ्रष्टाचाराचे आरोप करणाऱ्या IPS अधिकारी रश्मी शुक्ला यांना मुंबई पोलिसांनी समन्स बजावले आहे. बदली प्रकरणाचा तपास करत असताना त्यांनी केलेल्या फोन टॅपिंगवरून बराच वादंग निर्माण झाला. त्यामुळे फोन टॅपिंग प्रकरणी मुंबई पोलिसांच्या सायबर सेलकडून रश्मी शुक्ला यांना समन्स बजावण्यात आले आहे. रश्मी शुक्ला या सध्या हैदराबाद येथे त्यांच्या निवासस्थानी आहेत. २८ एप्रिलला सायबर पोलिस त्यांचा जबाब नोंदवणार असून त्यासाठी त्यांना हजर राहण्यास सांगण्यात आले आहे. भारतीय टेलिग्राफी एक्ट कलम 30, माहिती तंत्रज्ञान अधिनियम कलम 43 व 46 तसेच ऑफिशियल सिक्रेट एक्ट 05 या अंतर्गत रश्मी शुक्ला यांना जबाब नोंदवून घेण्याकरता मुंबई सायबर सेलकडून समन्स बजावण्यात आले आहे.

रश्मी शुक्ला यांच्या हैदराबाद येथील निवासस्थानी हे समन्स धाडण्यात आले आहे. रश्मी शुक्ला या सध्या केंद्रीय राखीव पोलीस दलात अतिरिक्त महासंचालक आहेत. हैदराबाद येथे त्या कार्यरत आहे. फेब्रुवारीपासून त्या केंद्रात प्रतिनियुक्तीवर आहेत. मात्र या प्रकरणासाठी बुधवारी त्यांना जबाब नोंदवण्यासाठी सायबर पोलीस स्टेशनमध्ये समक्ष हजर राहण्यास सांगण्यात आले आहे.

फोन टॅपिंग प्रकरणामुळे महाराष्ट्राचं राजकीय वातावरण खूपच पेटलं होतं. या प्रकरणी २७ मार्च रोजी राज्याचे मुख्य सचिव सीताराम कुंटे यांनी एक अहवाल मुख्यमंत्र्यांना सादर केला होता. त्यानंतर राज्याच्या गुप्तचर विभागाच्या तक्रारीवरून अज्ञातांविरोधात गुन्हा दाखल करण्यात आला. याच गुन्ह्याच्या तपासासाठी जबाब नोंदवण्याच्या उद्देशाने रश्मी शुक्ला यांना समन्स बजावण्यात आले आहे. रश्मी शुक्ला यांचा जबाब सकाळी ११ वाजता सहाय्यक पोलीस आयुक्त एन. के. जाधव यांच्यासमोर नोंदवला जाणार आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mohan Bhagwat: ७५ वर्षांसंबंधीचं 'ते' विधान भागवतांनी नेमकं का केलं? संघाकडून स्पष्टीकरण, विरोधकांचा मोदींवर रोख

Manchar News : काय सांगता! वृद्ध महिलेचे घरच गेले ‘चोरीला’; न्यायासाठी धावपळ सुरू

Latest Marathi News Updates : घरफोडीच्या गुन्ह्यात अटक, मुद्देमाल जप्त

Palghar News: वसई-विरारमध्ये नालासोपाऱ्यात अमली पदार्थांचा पर्दाफाश, 12 आरोपी अटक

IND vs ENG 3rd Test: 'चेंडू'वरून रामायण! शुभमन गिलचं वाद घालणं चुकीचं नव्हतं; अम्पायरने काय केले, ते वाचाच...

SCROLL FOR NEXT