ठाणे : कल्याण-डोंबिवली महानगरपालिका क्षेत्रातील लॉकडाऊनचा कालावधी रविवारी पाच वाजता संपत असताल्यामुळे महापालिका आयुक्त डॉ. विजय सूर्यवंशी यांनी शहरातील 48 हॉटस्पॉट क्षेत्रात 31 जुलैपर्यंत लॉकडाऊनचे निर्बंध कायम ठेवण्याचा आदेश जारी केला आहे. हॉटस्पॉट क्षेत्र वगळता इतर शहरासाठीचे निर्बंध शिथिल करण्यात आले असून, सम- विषय पद्धतीने दुकाने खुली करण्यास परवानगी देण्यात आली आहे.

अॅण्ड्रॉईड मोबाईलधारकांनो सावधान! हॅकर्सनी विकसित केला मालवेअर...

ठाणे जिल्ह्यात कोरोना विषाणूचा संसर्ग वाढत असल्यामुळे महापालिका प्रशासनाने 2 जुलैपासून शहरात लॉकडाऊनची घोषणा केली होती. हा लॉकडाऊन 12 जुलैला संपत असतानाच 19 जुलैपर्यंत पुन्हा तो वाढविण्यात आला. लॉकडाऊन काळातही रुग्णांची संख्या कल्याण डोंबिवलीत वाढीवच राहिल्याने कल्याण डोंबिवलीत लॉकडाऊन वाढविला जाईल, अशा चर्चा सुरू होत्या. यामुळे व्यापारीवर्ग, रिक्षाचालक, उद्योजक यांच्यात नाराजीचे वातावरण होते. 

गटारी असूनही मटनाच्या विक्रीत मोठी घट वाचा 'हे' आहे कारण...

त्यातच शनिवारी रात्री ठाणे महापालिका हद्दीत हॉटस्पॉट क्षेत्रात लॉकडाऊन कायम ठेवत इतर विभागातील निर्बंध शिथिल करण्यात आल्याने कल्याण डोंबिवलीतही असाच निर्णय होईल, अशी शक्‍यता व्यक्त करण्यात येत होती. त्यानुसारच निर्णय जाहीर झाल्याने व्यापारीवर्ग काहीसा सुखावला आहे. दरम्यान हॉटस्पॉट वगळता अन्य भागात केवळ भाजी मार्केट, बाजारपेठा व दुकाने सम-विषय पद्धतीने सकाळी 9 ते सायंकाळी 5 या वेळेत सुरू ठेवण्यास परवानगी देण्यात आली आहे.

रानभाज्या विक्रीच्या हंगामाला लॉकडॉऊनचा फटका; अदिवासी बांधवांची होतेय उपासमार

प्रभाग क्षेत्रातील हॉटस्पॉट संख्या

• अ प्रभाग क्षेत्र - 3
• ब प्रभाग क्षेत्र - 7
• क प्रभाग क्षेत्र - 6
• जे प्रभाग क्षेत्र- 3
• ड प्रभाग क्षेत्र - 4
• फ प्रभाग क्षेत्र - 6
• ह प्रभाग क्षेत्र - 6
• ग प्रभाग क्षेत्र - 5
• आय प्रभागक्षेत्र - 3
• ई प्रभाग क्षेत्र -5

---
संपादन : ऋषिराज तायडे