मुंबई- चक्रीवादळानंतर विश्रांती घेतलेल्या पावसानं आज पुन्हा एकदा हजेरी लावली. आज सकाळीच आठवड्याच्या पहिल्याच दिवशी पावसानं मुंबईत एन्ट्री केली. सध्या शहरात ढगाळ वातावरण आहे. तर सकाळपासूनच अनेक भागात पावसाच्या हलक्या सरी झाल्याचं पाहायला मिळालं. सकाळपासूनच पडणाऱ्या या पावसामुळे सगळीकडे गारवा पसरला आहे. यामुळे मुंबईतल्या तापमानातही घट झाली आहे. येत्या दोन-तीन दिवसांत मोसमी वारे कर्नाटक आणि गोवा ओलांडून महाराष्ट्रात दाखल होऊ शकतात, असे हवामान खात्यानं सांगितलं आहे. त्यामुळं 10 जूनपर्यंत तळकोकणातून महाराष्ट्रात मान्सून दाखल होण्याची शक्यता आहे.
चक्रीवादळानंतर पुन्हा मुंबईकर उकाड्यानं हैराणं झाले होते. त्यामुळे आज सकाळी पडलेल्या पावसामुळे मुंबईत गारवा पसरला असल्यानं मुंबईकरांना दिलासा मिळाला आहे. या पावसामुळे तापमानातही घट झाली आहे. कुलाबा वेधशाळेनुसार, 31.8 अंश सेल्सिअस कमाल तापमान आणि 27.5 अंश सेल्सिअसकिमान तापमानाची नोंद झाली आहे. तसंच सांताक्रूझ वेधशाळेनुसार, 33.4 अंश सेल्सिअस कमाल तापमान आणि 27.4 अंश सेल्सिअस किमान तापमानाची नोंद झाली आहे.
निसर्ग चक्रीवादळामुळं अनेक ठिकाणी विजांच्या कडकडाटासह जोरदार पाऊस पडला. हे वादळ कोकण किनारपट्टीवर धडकलं. या चक्रीवादळाचा फटका अलिबाग, श्रीवर्धन, मुरुड, दिवेआगर या तालुक्यांना जोरदार बसला. या चक्रीवादळानं दिशा बदलल्यानं मुंबईवरील संकट टळलं मात्र तरी या वादळाचा फटका मुंबईलाही बसला. या चक्रीवादळाच्या पार्श्वभूमीवर मुंबईतही जोरदार पावसानं हजेरी लावली. अनेक ठिकाणी मान्सूनपूर्व पावसामुळं सखल भागात पाणी साचल होतं. जोरदार पाऊस आणि सोसाट्यांचा वाऱ्यामुळे मुंबईत 100 हून जास्त झाडं कोसळण्याचीही घटना घडल्या होत्या.
राज्यात मान्सून होणार दाखल
येत्या 48 तासांत बंगालच्या खाडीवर कमी दाबाचा पट्टा तयार होण्याची शक्यता असल्यानं पुढील 24 तासांत देशातील अनेक राज्यांमध्ये मुसळधार पाऊस होण्याची दाट शक्यता आहे. शकतो. चक्रीवादळाचा प्रभाव ओसरताच मान्सूनसाठी पुन्हा पोषक वातावरण निर्माण होईल आणि मान्सून पुन्हा महाराष्ट्राच्या दिशेने आगेकूच करेल, अशी माहिती हवामान खात्याने दिली होती. त्यासाठी अरबी समुद्राच्या आकाशात पुन्हा आद्रता वाढीस लागणं गरजेचं असल्याचंही हवामान खात्यानं म्हटलं होतं. पोषक वातावरणामुळे पुढच्या दोन ते तीन दिवसांमध्ये तळकोकणातून मोसमी वारे राज्यात दाखल होण्याची शक्यता आहे. त्यानुसार महाराष्ट्रात साधारणपणे 10 जूनला मान्सूनचं आगमन होईल अशी शक्यता वर्तवण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.