उल्हासनगर - आईवडील नसलेल्या आणि मामा संगोपन करत असलेल्या एका 13 वर्षीय मुलाचा फिटच्या आजाराने  उल्हासनगर महापालिकेच्या बंद पडलेल्या बोटक्लबमध्ये बळी गेल्याची दुर्दैवी घटना  घडली आहे.तो मित्रांसोबत पोहण्यासाठी गेला असतानाच फिट रुपी काळाने त्याच्यावर झडप घातली आहे. त्यामुळे बोटक्लबच्या सुरक्षेचा प्रश्न ऐरणीवर आला आहे.

दीपक तायडे असे या मुलाचे नाव असून तो कॅम्प नं. 3 येथिल पवई चौक परिसरातील सरस्वतीनगर येथे मामा हिरा आडाव यांच्याकडे राहत होता. दिपक याला आईवडील नसून मामा त्याचा सांभाळ करीत होते. बुधवारी सायंकाळी 4  च्या सुमारास दिपक हा त्याच्या तीन मित्रांसोबत सोबत महापालिकेच्या हिराघाट येथील बंद पडलेल्या बोट क्लबमध्ये साचलेल्या पाण्यात आंघोळीसाठी गेला होता. तो पाण्यात आंघोळ करीत असताना अचानक त्याला फिट आल्याने तो पाण्यात बुडाला. त्याच्यासोबत असलेल्या मुलांनी घरी जाऊन त्याच्या मामाला या घटनेची माहिती दिल्याने त्यांच्यासह नागरीकांनी त्याठिकाणी धाव घेतली. पाण्यात बुडालेल्या दिपक याचा शोध घेतल्यावर त्याचा मृतदेह पाण्यात मिळून आला. दिपक याचा पाण्यात बुडून मृत्यू झाल्यामुळे मध्यवर्ती पोलिस ठाण्यात आकस्मत मृत्यूची नोंद दाखल करण्यात आली आहे. अधिक तपास वरिष्ठ पोलीस निरीक्षक विजय डोळस यांच्या मार्गदर्शनाखाली उपनिरीक्षक येवले करीत आहेत. या घटनेमूळे पवई हिराघाट परिसरात शोकाकुल वातावरण पसरले आहे.

दरम्यान पालिकेची बोटक्लब प्रशस्त जागेत वालधुनी नदीच्या बाजूला आहे.येथे पिकनिक स्पॉट तयार करण्याचा पालिकेचा बेत होता.महाशिवरात्री च्या जत्रे प्रसंगी या बोटक्लब मध्ये गर्दी होते.मात्र पाणी नसल्याने ही बोटक्लब बंद असून या ठिकाणी सुरक्षा रक्षक नसतात.सहज उड्या मारून किंबहुना कंपाऊंड वर चढून आत जाणे शक्य असल्याने बच्चे कंपनी बोटक्लब मध्ये साचलेल्या पाण्यात आंघोळ करतात.सुरक्षा रक्षक तैनात असते तर अनाथ दीपक तायडे सोबत ही दुर्दैवी घटना घडली नसती असे बोलले जात आहे.

ई सकाळवरील ताज्या बातम्यांसाठी क्लिक करा:

• 'कुलगुरु तुझा आमच्यावर भरोसा नाय काय?'
• दादाने 15 वर्षांपूर्वी लॉर्डसवर भिरकावला होता टी-शर्ट
• रेल्वेच्या धडकेत दोन पिल्लांसह अस्वल ठार
• हरिद्वार ते उनाऊ दरम्यान गंगा नदीवर आता "नो डेव्हलपेंट झोन'
• हवामान बदलामुळे अमेरिकेतील शेकडो शहरे बुडतील...
• पेरणीबहाद्दर मुख्यमंत्री
• शेतकरीपुत्रांच्या लग्नाचा प्रश्न बनला गंभीर​
• नवरा, बायको आणि सासू​
• हेल्मेटसक्ती महामार्गांवर, शहरांत नाही- नांगरे पाटील यांची घोषणा​
• रायगड किल्ला संवर्धनासाठीच्या आराखड्याला राज्य सरकारची मंजुरी​
• क्रिकेट 'बुकींना' कोण पाठीशी घालतंय : नितेश राणे​
• भारतात होणार नाट्य ऑलिम्पिक​
• चांदवड नगरपरिषदेकडून माहिती अधिकाराच्या गोपनीयतेचा भंग​
• अमरनाथ यात्रेतील 'देवदूत' सलीम शेखच्या बलसाडला मिरवणुका​