मुंबई- कोरोना व्हायरसला रोखण्यासाठी केवळ अत्यावश्यक सेवा सुरु आहेत. त्यातच बेस्ट बस सेवा सुरु करण्यात आली आहे. 15 जूनला सामान्य नागरिकांसाठीही बस सेवा सुरु केली गेली. त्यानंतर 15 जूनला प्रवाशांची संख्या अडीच लाख होती ती आता 22 जूनला वाढून तब्बल 8 लाख इतकी झाली आहे. 22 जूनपर्यंत तब्बल 8 लाख नागरिकांनी बसमधून प्रवास केला. म्हणजेच केवळ एका आठवड्यात 220 टक्क्यांची वाढ झाली.
आम्ही आता फक्त मुंबईतच लक्ष केंद्रित केले आहे. ठाणे आणि नवी मुंबईचे काही भाग जिथे आम्ही नियमित बस सेवा सुरु आहे. तर, रोजच्या प्रवाशांच्या संख्येत होणारी वाढ सूचित करते की बरेच लोक बेस्ट बसने प्रवास करणे पसंत करतात कारण रेल्वे आणि टॅक्सी केवळ आवश्यक सेवा कर्मचार्‍यांसाठीच उपलब्ध आहेत. याव्यतिरिक्त, याव्यतिरिक्त, आम्ही हळूहळू आमच्या दररोजच्या वेळापत्रकानुसार कामावर परत जात आहोत. त्यामुळे लवकरच रोज 35 लाख प्रवासी परत मिळतील, असं वरिष्ठ अधिकाऱ्यानं सांगितलं.
जास्तीत जास्त 25 लोकांना बसण्यासाठी आणि पाच स्टँडिंगसह बसमधून सोशल डिस्टन्सिंगचं पालन केलं पाहिजे. आम्ही रस्त्यावर बसची उपस्थिती वाढविली आहे. तीन आठवड्यांपूर्वी 1,800 बस रस्त्यावर होत्या. एका आठवड्यापूर्वी त्याचा आकडा 2,200 पर्यंत आणि आता आम्ही जवळपास 2,800 बसेस चालवित आहोत, असं अधिकारी म्हणाले.
उत्पन्नातही वाढ
बेस्टचा महसुलाचा आकडा 10 लाखांनी वाढला आहे. बेस्टच्या प्रवासी संख्येत वाढ होत उपक्रमाच्या उत्पन्नाताही भर पडू लागली आहे. त्यामुळे महसूल ७३ लाख ५२ हजार रुपयांवर गेला आहे. मागील आठवड्यापासून सुरू झालेल्या बससेवेत अत्यावश्यक सेवेतील कर्मचाऱ्यांनाही तिकीट घेणं बंधनकारक करण्यात आलं आहे.
सोमवार, 15 जूनपासून अत्यावश्यक सेवेसाठी लोकल सुरू झाल्यानंतर बेस्टवरील ताण थोडा कमी झाला आहे. त्यामुळं अत्यावश्यक सेवेशी संबंधित नसलेल्या नोकरदार, व्यावसायिकांनाही बेस्टमधून प्रवास करता येत आहे. मुंबई महापालिकेच्या अत्यावश्यक सेवेतील कर्मचाऱ्यांसाठी बेस्ट बससेवा बंद करण्यात करण्यात आली आहे.
दरम्यान, बेस्टने आपल्या कोरोना पॉझिटिव्ह कर्मचार्‍यांच्या रिकव्हरी रेटमध्ये आणखी सुधारणा केली आहे. महिन्याभरापूर्वी 26 टक्क्यांवरून हा रेट मंगळवारी 75 टक्क्यांपर्यंत पोहोचला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.