शहापूर : कोरोनाची वाढती रुग्णसंख्या लक्षात घेत शहापूर नगरपंचायतीने 31 जुलैपर्यंत प्रतिबंधात्मक आदेश काढला आहे. या आदेशान्वये बाजारपेठेत सम-विषम तारखेनुसार दुकाने सुरू राहणार असल्याचे पत्र नगराध्यक्षा व मुख्य कार्यकारी अधिकारी शहापूर नगरपंचायत यांनी प्रसिद्ध केले आहे. 

महत्वाची बातमी : जेएनपीटीतील बहुचर्चित 'SEZ' उभारणीबाबत महत्वपूर्ण निर्णय, रोजगार निर्मितीच्या आशा पल्लवीत

शहापूर नगरपंच्यायतीने 31 जुलैपर्यंत काढलेल्या प्रतिबंधात्मक आदेशानुसार मार्केट व मॉल वगळता सर्व प्रकारची दुकाने आस्थापना सम व विषम तारखांना सकाळी 9 ते सायंकाळी 7 वाजेपर्यंत सुरू राहतील. त्यानुसार भारंगी नदी-जगे सॉमिल ते शासकीय विश्रामगृहाची बाजूकडील शहराचा भाग सम तारखेला, तर डोंबिवली नागरी बॅंक ते गणेश स्वीट्‌च्या बाजूकडील शहराचा भाग हा विषम तारीख ठेवण्यात आली आहे. या आदेशाचे सोमवारी दुकानदारांनी अंमलबजावणी केल्याचे चित्र दिसून आले. 

नक्की वाचा : बापरे ! "...नाहीतर तब्बल '५० लाख' कर्मचारी होतील बेरोजगार", वाचा कुणी व्यक्त केलीये 'ही' भीती

या आदेशानुसार विक्रेत्यांनी मास्क वापरणे, सॅनिटायझर वापरणे, ग्राहकांच्या वापरासाठी ही सॅनिटायसर दुकानाच्या दर्शनी भागात ठेवणे, ग्राहकांची गर्दी होऊ न देणे आणि सोशल डिस्टन्सिंगचे पालन करणे व मास्क लावणे बंधनकारक करण्यात आले आहे. 

हे ही वाचा : 'कंटेन्मेंट झोन'चे फलक फक्त 'नावापुरतेच', आतील परिस्थिती मात्र जैसे थे

नियमांचे उल्लंघन करणाऱ्यांना दंड 
दुकानदारांनी नियमांचे पालन न केल्यास एक हजार रुपये दंड वसूल करण्यात येईल व कडक कारवाई करण्यात येईल, असे प्रशासनाकडून स्पष्ट करण्यात आले आहे.

(संपादन : वैभव गाटे)

Permission to open shops in Shahapur, but 'this' rule is binding