मुंबई : आजपासून मुंबईत 10 टक्के कर्माचार्यांच्या उपस्थितीत राज्य व खासगी कार्यालये सुरू होत आहेत. तर दोन दिवसापूर्वी सम आणि विषम नियमानुसार दुकानेही खुली करण्यात आली. यामध्ये पुस्तकांची दुकानेही सुरू झाली आहेत. मुंबई दादर, गिरगाव येथे पुस्तकांची दुकाने सुरू केली. मात्र कोरोनाच्या भीतीने मुंबईत पुस्तकांच्या दुकानात वाचकांची गर्दी कमी आहे. तर प्रकाशनाच्या कार्यालयातील काम हळूहळू सुरू होणार आहेत. त्यामुळे या महिन्यापासून रसिक आणि ललित मासिक वाचकांच्या भेटीस येणार आहे.
मॅजेस्टिक प्रकाशनाचे कार्यालय येत्या आठवड्यापासून सुरू करण्याचा मानस आहे. अनेक पुस्तकांचे काम 90 टक्के झाले आहे. त्यांचे फक्त छपाई बाकी आहे. प्रीटिंग प्रेसाचा अंदाज घेऊन ती छपाईसाठी देण्यात येईल. साधरतः 10 हून अधिक नवीन पुस्तके वाचकांना येत्या काही दिवसात उपलब्ध होतील, अशी माहिती मॅजेस्टिक प्रकाशनच्या शुभांगी पांगे यांनी दिली. तसेच त्या म्हणाल्या, एप्रिल, मे, जून असा एकत्रित ललित मासिकाचा अंक वाचकांना लवकरच वाचायला मिळेल.
पॉप्युलर प्रकाशनच्या संपादिका अस्मिता मोहिते म्हणाल्या, आमचे कार्यालय महालक्ष्मी येथे आहे. आमच्याकडील कर्माचारी हे पश्चिम उपनगरातील आहे. त्यामुळे जोपर्यंत रेल्वे सुरू होत नाही तोपर्यंत ऑफिस सुरू करता येणार नाही. पण रसिक मासिक वाचकांना ऑनलाईन वाचता येईल. एप्रिल ते जून असा तीन महिनाचा एकत्रिक अंक रसिक मासिकचा आहे. दादरमध्ये आयडियल बुक डेपो शुक्रवारी व शनिवारी सुरू केले. परंतु छबिलदास शाळा अलगीकरण केंद्र असल्याने केवळ तीन तास दुकान उघडण्यात आले. शालेय पुस्तक घेण्यासाठी ग्राहक येतात, पण अजून ललित व अन्य पुस्तकांसाठी वाचक पूर्वीप्रमाणे आलेला नाही, असे आयडियल बुक डेपोच्या कर्माचाऱ्याने माहिती दिली. दादर येथील मॅजेस्टिक ग्रंथादालन अजून सुरू केले नाही.
ग्रंथ खरेदीला प्रतिसाद
पुण्यामध्ये पुस्तकांची दुकाने सह प्रकाशनाची कार्यालयेही सुरू झाली आहे. रोहन प्रकाशनाने खास लॉकडाऊन विशेष 33 टक्के सवलत योजने अंतर्गत वाचाकांना घरपोच पुस्तकांची सेवा देत आहे, ही योजनेमध्ये 15 दिवसांची मुदतवाढ करण्यात आली आहे. मुंबईतील वाचकांना ही सेवा उपलब्ध आहे. वाचकांकडून चांगला प्रतिसाद मिळत असल्याचे रोहन प्रकाशनाचे रोहन चंपानेरकर यांनी सांगितले. ठाण्यामध्ये राम मारुती रोडवर मॅजेस्टिक ग्रंथदालन सुरू झाले. दोन दिवसात वाचकांक़डून ग्रंथ खरेदीला खूपच चांगला प्रतिसाद मिळाला आहे, शुभांगी पांगे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.