मुंबई : मुंबईसह महाराष्ट्रात कोरोनाचा प्रादुर्भाव मोठ्या प्रमाणात वाढत असताना अधिकाधिक रुग्णांवर उपचार करण्यासाठी अधिक प्रमाणात डॉक्टर उपलब्ध व्हावे, म्हणून राज्य सरकारने नवा निर्णय घेतला आहे. हा निर्णय चुकीचा असल्याचे सांगत डॉक्टरांनी त्याला विरोध व्यक्त केला आहे.

मोठी बातमी ः कामगार गावाला गेल्याने कारखानदार चिंतेत; वसईतील कारखान्यांमध्ये कामगारांचा तुटवडा

निवासी डॉक्टरांना दिलासा देत सरकारने 9 दिवस काम आणि 6 दिवस क्वारंटाईन म्हणून सुटी देण्याचा निर्णय घेतला. मात्र यावर निवासी डॉक्टरांना 7 दिवस काम आणि 7 दिवस सुट्टी अशी कामाची पद्धत हवी होती. मात्र अखेर वैद्यकीय शिक्षण आणि संशोधन विभागाने 9 दिवस काम आणि 6 दिवस सुट्टी देण्याचा निर्णय घेतला. त्यापुर्वी 5 दिवस काम आणि 2 दिवस सुट्टी अशा कामाच्या वेळेतील बदल करण्यात आला होता. मात्र, मार्डने आक्षेप नोंदवल्यानंतार तो निर्णय अखेर मागे घेण्यात आला आहे.

मोठी बातमी ः हजारो लालपरींची निस्वार्थ सेवा; तब्बल 4 लाख मजुरांना घडवला प्रवास

डॉक्टरांचा संपर्क थेट कोरोना रुग्णांशी येत असल्याने त्यांना संसर्ग होण्याची भीती जास्त असते. अशावेळी लक्षणे समजण्यासाठी किमान 5 दिवस क्वारंटाईन असणे गरजेचे आहे. अशावेळी दिवसाच्या क्वारंटाईनमध्ये लक्षणे कसे समजणार, असे म्हणत मार्डने यावर आक्षेप घेतला होता. मार्डने यावर उपाय म्हणून 9 दिवस काम आणि 8 दिवस सुटी (क्वारंटाईन) देण्याची मागणी केली होती. या मागणीनुसार आता वैद्यकीय शिक्षण विभागाने आता 9 दिवस काम आणि 6 दिवस क्वारंटाईन असे बदल केले आहे. त्यामूळे, आता निवासी डॉक्टरांच्या कामाच्या वेळा लावण्यात येणार आहेत.

मोठी बातमी ः पावसाळ्याचे वेध लागले हो..! कर्नाळा अभयारण्यात तिबोटी खंड्याचे घडले दर्शन...

राज्यातील सरकारी रूग्णालयांमध्ये मोठ्या प्रमाणावर कोरोना रूग्णांची गर्दी होत आहे. त्यामुळे डॉक्टरांवर कामाचा ताण वाढला आहे. नवीन डॉक्टर आणि कर्मचारी तातडीने भरती करण्याची घोषणा आरोग्यमंत्री राजेश टोपे यांनी केली होती. मात्र, अजूनही त्याची प्रक्रिया पूर्ण झालेली नाही. त्यामुळे निवासी डॉक्टरांवरील कामाचा ताम कमी करण्याची मागणी मार्डने केली होती. मात्र, असे जरी असले तरी या सर्व निर्णयावर डॉक्टरांनी नाराजी व्यक्त करत 7 दिवस काम आणि 7 दिवस सुट्टी यावर पुन्हा एकदा विचार विनिमय व्हावा यासाठी प्रयत्नशील आहेत.