ठाण्यात श्‍वान मेळ्यास प्रतिसाद
ठाणे : इमानी प्राणी म्हटला, की साऱ्यांनाच श्‍वान आठवतो. अशा या इमानदार श्‍वानांचा मेळा ठाण्यात भरला होता. ठाण्यातील डॉग वर्ल्ड या संस्थेने ठाण्यातील खेवरा सर्कल येथे आयोजित केलेल्या डॉग शोमध्ये अनेक श्‍वानांनी सहभाग दर्शवला. श्‍वान मेळ्याचे हे तिसरे वर्ष असून मोठ्या संख्येने यात श्‍वानप्रेमी नागरिकांनी हजेरी लावली.
ठाण्यातील खेवरा सर्कल येथील खेवरा गार्डन येथे ठाणे पेट फास्ट आणि डॉग वर्ल्ड इंडिया यांच्या वतीने "ठाणे पेट फास्ट- 2020' डॉग शो आयोजित करण्यात आला होता. यामध्ये विविध प्रजातींच्या श्‍वानांनी सहभाग घेतला. अनेक कुटुंबांत पाळलेला श्‍वान म्हणजे कुटुंबांचा घटक असतो. तेव्हा पाळीव प्राण्यांबद्दल प्रेम निर्माण व्हावे, किंबहुना श्‍वान पाळण्याची आवड लोकांमध्ये वाढीस लागावी, या उद्देशाने ठाण्यात डॉग वर्ल्ड ही संस्था डॉग शोचे आयोजन करते.
यंदा त्यांचे तिसरे वर्ष आहे. या शोमध्ये सर्व जातीचे श्‍वान एकत्र मस्ती करतात, यात जम्प शो असतो; तर सर्वांत महत्त्वाचे म्हणजे डॉग रॅप शोदेखील असतो. या पेटप्रमाणे त्यांच्या मालकांमध्येही या शोबद्दल कुतूहल असते.
या श्‍वान मेळ्यामध्ये जर्मन शेफर्ड, लॅब, मिनीपोम, चुवाह, पब, लहासा, गोल्डन रिट्रीवर, हस्की, पामेलियन या जातीच्या श्‍वानांनी भाग घेतला होता. माय पेट, माय हिरो हाच उद्देश असून आमच्यासाठी सर्वच पेट हे या शोचे विजेते आहेत. अशा शोमुळे नागरिकांना वेगवेगळ्या जातीचे श्‍वान पाहायला मिळतात. त्यामुळे असे डॉग शो झाले पाहिजेत.
- भूषण देसाई, श्‍वान मालक
Response to the Dog Fair in Thane
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.