संजय राऊत. बस नाम ही काफी है.. याची प्रचीती आपल्या सर्वांना विधानसभेच्या निवडणुकांच्या निकालानंतर आली. शिवसेनेकडून अधिकृतपणे भाष्य करणारा एकाच चेहरा म्हणजे संजय राऊत. याच संजय राऊत यांनी आज पत्रकारांशी बोलता बोलता एक अत्यंत महत्त्वपूर्ण विधान केलंय. 

महाराष्ट्रात सध्या विधीमंडळाचं हिवाळी अधिवेशन सुरु आहे. अधिवेशनाच्या अगदी काही दिवस आधी महाविकास आघाडीकडून मुख्यमंत्री उद्धव ठाकरे यांच्या सोबत शपथ घेतलेल्या सहा मंत्र्यांमध्ये खातेवाटप करण्यात आलं. यामध्ये 22-13-12 चा नवा फॉर्म्युला महाराष्ट्राला पाहायला मिळाला. मात्र या सर्वात जास्त चर्चा सुरु होती ती महाराष्ट्राच्या उपमुख्यमंत्रिपदाची सूत्र कुणाच्या हातात येणार याची. 

मोठी बातमी : कर्जमाफी लवकरचं होणार..! अजित पवार यांची ग्वाही  

थोडं मागे जाऊ. अजित पवार यांनी भाजप आणि देवेंद्र फडणवीस यांच्यासोबत जाण्याचा निर्णय घेतला. त्यावरून महाराष्ट्राच्या राजकारणात मोठा राजकीय भूकंप आलेला पाहायला मिळाला. तीन दिवसांनी अजित पवार यांनी आपल्या उपमुख्यमंत्रिपदाचा राजीनामा दिला आणि संख्याबळ नसल्याने देवेंद्र फडणवीस यांनी देखील महाराष्ट्राच्या मुख्यमंत्रिपदाचा राजीनामा दिला. 

मोठी बातमी : मुंबईतील रेल्वे स्थानकात घुसले विषारी साप आणि...

यानंतर चर्चा सुरु झाल्या त्या अजित पवारांच्या राजकीय भविष्याच्या. अजित पवार राजकीय सन्यास घेणार अशा देखील बातम्या पसरल्या गेल्यात. मात्र तसलं काहीही होताना पाहायला मिळालं नाही. अशातच अजित पवार यांना सिंचन घोटाळ्यात देखील क्लीन चीट मिळाली आहे. आज शिवसेनेची मुलुखमैदानी तोफ संजय राऊत यांनी अजित पवार यांच्याबद्दल मोठं वक्तव्य केलंय.  

मोठी बातमी : नवीन वर्षी असं बदलेल तुमचं आमचं WhatsApp..

अजित पावार 'ते' तर आमचे होणारे डेप्युटी सीएम आहेत, असं वक्तव्य शिवसेना खासदार संजय राऊत यांनी केलंय. 

धक्कादायक :  नवी मुंबई शहरातून 'का' होतायत मोलकरणी गायब ?  

अजित पवार यांनी या आधी देखील महाराष्ट्राचे उपमुख्यमंत्री म्हणून कारभार सांभाळला आहे. आता अजित पवार जर महाराष्ट्राचे पुन्हा उपमुख्यमंत्री झालेत तर मुख्यमंत्री उद्धव ठाकरे आणि उपमुख्यमंत्री अजित पवार शेतकरी कर्जमाफीबद्दल काय निर्णय घेतात हे पाहणं महत्त्वाचं ठरणार आहे. 

WebTitle : sanjay raut says ajit pawar will is our furuture deputy CM