मुंबई ः महिलांचा लैंगिक छळ केल्याप्रकरणी वांद्रे येथून एक डॉक्टर व एक फेरीवाला यांच्याविरुद्ध पोलिसांनी गुन्हा नोंदविला आहे. या फेरीवाल्याने महिला पत्रकाराला अश्लील संदेश पाठवले होते.
पन्नास वर्षीय डॉक्टर अकील खान हे सहा वर्षांपूर्वी एका लॅब टेक्निशिअनच्या संपर्कात आले होते. त्यावेळी त्यांच्यात मैत्री झाली, मात्र नंतर तिने नोकरी सोडल्यावर त्या दोघांच्या भेटीगाठी कमी झाल्या. त्यामुळे या डॉक्टरने तिला त्रास देणे सुरु केले. अखेर तिने तक्रार केल्यावर पोलिसांनी डॉक्टरविरुद्ध गुन्हा दाखल केला.
दुसऱ्या घटनेत महिला पत्रकाराला अश्लील मेसेज पाठविणाऱ्या फेरीवाल्याला पोलिसांनी वांद्रे येथून अटक केली. बेहरामपाडा येथे राहणारा जहिरुद्दीन इद्रिसी हा फेरीवाला, या पत्रकार महिलेला गेले दोन महिने त्रास देत होता. तो तिला वारंवार व्हिडियो कॉल करून अश्लील मेसेज पाठवीत होता. तिने व्हिडियो कॉल न उचलल्याने त्याने तिला धमक्या देणे सुरु केले.
दूरध्वनीला उत्तर दिले नाहीस तर आपण तुझ्या घरी येऊ, असेही त्याने धमकावले. अखेर या पत्रकाराने पोलिसांत तक्रार केल्यावर पोलिसांनी त्या दूरध्वनींचा माग काढून त्याला अटक केली. त्याच्याविरुद्ध भारतीय दंडसंहिता तसेच आयटी कायद्यातील कलमांनुसार गुन्हे नोंदविण्यात आले आहेत.
Sexual harassment of women
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.