मुंबई : कोरोना महामारीमुळे लागू करण्यात आलेल्या लॉकडाऊनमुळे अनेक परिक्षांचे वेळापत्रक बिघडले आहे. त्याचा फटका प्रामुख्याने उच्चशिक्षण घेणाऱ्या विद्यार्थ्यांना बसत आहे. आता जेईई, नीट परिक्षा पुन्हा लांबणीवर पडल्याची चर्चा सुरु झाल्याने त्याबाबत ऑनलाईन याचिका करण्यात येणार आहे.
जेईई मेन्स परिक्षा 1 ते 6 सप्टेंबर दरम्यान, तर नीट - यूजी परीक्षा 13 सप्टेंबरला अपेक्षित आहे. मात्र यूपीएससी, एनडीएची परिक्षा याच सुमारास होणार आहे. त्यामुळे राष्ट्रीय चाचणी प्राधिकरणाकडून (National Testing Authority) पुन्हा एकदा जेईई तसेच नीटची परिक्षा लांबणीवर टाकणार असल्याची शक्यता व्यक्त होत आहे. आता हेच थांबवण्यासाठी प्रयत्न होत आहे. त्यामुळे त्यासाठी ऑनलाईन आवाहन करण्यात आले आहे. आतापर्यंत मुंबईसह देशभरातील एक हजारहून जास्त पालक, विद्यार्थ्यांनी या ऑनलाईन याचिकेवर स्वाक्षरी केली आहे. त्यांनी याद्वारे राज्य सरकार, शिक्षण मंत्रालय तसेच राष्ट्रीय चाचणी प्राधीकरण (National Testing Authority) आधिकाऱ्यांना आवाहन केले आहे.
नीट तसेच जेईई परिक्षा देणारे विद्यार्थी दोन वर्षे रोज बारा तास अभ्यास करीत आहेत दरवेळी परिक्षा लांबवण्याचा निर्णय होतो, त्यावेळी त्यांच्यात नैराश्य होते. त्यांचे आता अभ्यास करताना पूर्ण लक्ष केंद्रीत होत नाही, अशी खंत व्यक्त होत आहे. दोन्ही परिक्षा लॉकडाऊन असतानाही घेता येईल. त्यावेळी या परिक्षेस सामोरे जाणाऱ्यांनाच घराबाहेर पडण्याची परवानगी देण्यात यावी. त्यावेळी लॉकडाऊनची देशभरात कठोरपणे अंमलबजावणी होईल, त्याचबरोबर सुरक्षित अंतराचे पालन होण्यासाठी जास्तीत जास्त शाळा तसेच महाविद्यालयात ही परिक्षा घेण्यात यावी. त्याचबरोबर या परिक्षेस येणाऱ्यांची चाचणी करण्यात यावी अशी सूचना पालकांनी केली आहे.
प्रवेश परिक्षा लांबणीवर पडल्यास विद्यार्थी तसेच पालक जास्त निराश होतील, त्यामुळे त्याकडे तातडीने लक्ष द्यावी अशी विनंती काही पालकांनी केंद्रीय शिक्षण मंत्री रमेश पोखरीयाल यांना केली आहे. मात्र त्यावर मंत्र्यांनी किंवा सरकारने याबाबत कोणतेही भाष्य केले नाही.
----
संपादन ः ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.