ठाणे : गेल्या काही दिवसांपासून ठाण्यातील कोविड केअर सेंटरमधून बेपत्ता भालचंद्र गायकवाड यांच्याबाबतीत धक्कादायक माहिती समोर येतेय. ७२ वर्षीय बेपत्ता भालचंद्र गायकवाड यांचं तीन दिवसांपूर्वी निधन झालं होतं. यामध्ये धक्कादायक बाब म्हणजे भालचंद्र गायकवाड यांचा मृतदेह महापालिकेने सोनावणे कुटुंबियांना सोपवला होता. काल निरंजन डावखरे यांनी गायकवाड यांचा पत्ता लागल्याची ट्विटरवरून माहिती दिली होती मात्र त्यांचा ३ दिवसांपूर्वीच मृत्यू झाल्याचं सांगितलं होतं. बरं, ज्या सोनावणे कुटुंबाकडे गायकवाड आजोबांचा मृतदेह सोपवला होता त्यांच्या कुटुंबातील व्यक्ती जिवंत असल्याचं उघड झालंय. मात्र तोवर भालचंद्र गायकवाड यांच्यावर अंत्यसंस्कार केले होते.   

मोठी बातमी - ठाणे पालिकेने कोरोना नियंत्रणासाठी कसली कंबर! ॲानलाईन बेड अलोकेशन सिस्टम वेबलिंक सुरू

ठाणे महापालिकेने मांडला खेळ 

भालचंद्र गायकवाड याना सुरवातीला कळवा हॉस्पिटलमध्ये दाखल करण्यात आलं होतं. मात्र त्यांची प्रकृती खालावली होती. यानंतर त्यांना ठाण्याच्या महापालिकेच्या नव्याने सुरु झालेल्या कोरोना केअर सेंटरमध्ये दाखल करण्यात आलं होतं. गायकवाड कुटुंबियांना याबाबत तशी माहिती देण्यात आली होती. मात्र जेंव्हा गायकवाड कुटुंबीय ठाण्यातील कोविड केअर सेंटरमध्ये गेलेत तेव्हा त्यांना धक्का बसला. कारण या सेंटरमध्ये गायकवाड नामक कुणीही व्यक्ती नसल्याची बाब त्यांना समजली. त्यानंतर गायकवाड कुटुंबीयांनी भाजपच्या माध्यमातून भालचंद्र गायकवाड यांना शोधण्याचा केला.   

नुकतेच महाराष्ट्राचे विरोधीपक्षनेते देवेंद्र फडणवीस यांनी ठाण्यातील कोविड केअर सेंटला भेट दिली होती. या भेटीदरम्यान गायकवाड कुटुंबीयांनी त्यांची व्यथा फडणवीसांकडे मांडली होती. या भेटीनंतर या घटनेला वाचा फुटली आणि शोधाशोध सुरु झाली. ठाणे मतदाता जागरण अभियानाच्यावतीने या संदर्भात ठाणे महापालिका जबाबदार असून पालिका प्रशासनाच्या विरोधात तक्रार देखील दाखल करण्यात आली होती. 

मोठी बातमी -  पावसाळ्यात कशी घ्याल आपल्या त्वचेची काळजी? वाचा अत्यंत महत्वाची माहिती

देवेंद्र फडणवीस यांच्या भेटीनंतर भाजप नेते  देखील हॉस्पिटलमध्ये गेलेत. त्यांनी देखील ७२ वर्षीय भालचंद्र गायकवाड यांच्या बाबत माहिती घेतली. डॉक्टरांकडून ४८ तासात गायकवाडांबाबत माहिती देण्याचं आश्वासन देण्यात आलं होतं. दरम्यान गायकवाड आजोबांचा काल रात्री शोध लागला. मात्र त्यांचा मृत्यू झाल्याचं निरंजन डावखरे यांनी ट्विट करून सांगितलं. 

मोठी बातमी  मुंबईकरांनी सोडला सुटकेचा निश्वास! धारावीतून आली दिलासादायक बातमी...

गायकवाड आजोबांचा मृतदेह कोपरीमध्ये राहणाऱ्या सोनावणे कुटुंबीयांचा असल्याचं समजून त्यांना देण्यात आलेला. मृतदेह काळ्या रंगाच्या बंद पिशवीत होता आणि त्यावर अंत्यसंस्कार देखील पार पडले. मात्र सोनावणे कुटुंबातील व्यक्ती जिवंत अजून ज्यांच्यावर अंत्यसंस्कार झालेत ते भालचंद्र गायकवाड होते अशी माहिती आता समोर येतेय. 

thane municipal corporations covid center handovers body of demised person to different family