संकेश्वर (बेळगाव) - पुणे - बंगळूर राष्ट्रीय महामार्गावर कणगले येथे मोटार अपघातामध्ये दोन युवक ठार झाले तर अन्य आठजण जखमी झाले. हा अपघात मंगळवारी रात्री साडे आठच्या सुमारास झाला. चालकाचा मोटारीवरील ताबा सुटल्याने मोटार दुभाजकावर आदळली व नंतर ती रस्त्याच्या बाजूला असलेल्या कठड्यावर लटकत राहीली. 

दिग्विजय सचिन पाटील (२०, रा. संभाजीनगर, कोल्हापूर) व वैभव सुभाष वाडकर (२३, रा. दिंडनेर्ली, ता. करवीर) अशी मृतांची नावे आहेत. अन्य जखमी हे संभाजीनगर, बाचणी व मुरगूड येथील आहेत. संकेश्वर पोलिसात या अपघाताची नोंद झाली आहे.

अशी असते मेंढरे पळविण्याची आगळीवेगळी स्पर्धा... (व्हिडिओ)

अपघाताबाबत पोलिसांकडून मिळालेली माहिती अशी, पुणे - बंगळूर राष्ट्रीय महामार्गावरून मोटारीने (एमएच १० जीए ९३५१) दहा जण कोल्हापूरहून बेळगावच्या दिशेने निघाले होते. कणगल्यानजीक आल्यावर चालकाचा मोटारीवरील ताबा सुटला. त्यामुळे मोटार महामार्गाच्या दुभाजकावर जोरात आदळले. त्यात मोटारीमधील दहा जण जखमी झाले. त्यांना निपाणीच्या महात्मा गांधी रूग्णालयात उपचारासाठी दाखल करण्यात आले. उपचार सुरू असताना गंभीर असलेल्या दिग्विजय पाटील व वैभव वाडकर यांचा मृत्यू झाला.

पाहा दिपोत्सवाने उजळलेले कुणकेश्वरचे मंदीर (व्हिडिओ) 

या अपघातात तेजस सचिन पाटील, संदीप जयसिंग पाटील, वेदिका सागर पाटील, वीरेन सागर पाटील (रा. सर्व संभाजीनगर-कोल्हापूर), अभिनव संदीप पाटील, अर्नव संदीप पाटील, सागर दत्तात्रय पाटील (रा. सर्व बाचणी, ता. कागल), सूरज सुनील पाटील (रा. मुरगूड, ता. कागल) हे जखमी झाले आहेत. 

ज्येष्ठ शिक्षण तज्ज्ञ डी. बी. पाटील यांचे निधन