गुळूंचे : पुरंदर तालुक्यातील नीरा ते वाल्हे दरम्यान असणारे रेल्वे फाटक (क्रमांक- 27) शुक्रवारी (ता.1) सकाळी सातपासून शनिवारी (ता.2) सायंकाळी सातपर्यंत बंद राहणार आहे.
पुणे-मिरज लोहमार्गावर नीरा ते वाल्हे दरम्यान पिसुर्टी येथे हे रेल्वे फाटक आहे. या फाटकाच्या परिसरातील रेल्वे रुळाच्या दुरुस्तीचे कामकाज करण्यात येणार आहे. तसेच रुळाच्या ओव्हर ऑईलिंगसाठी शुक्रवारी सकाळी सात वाजल्यापासून ते शनिवारी सायंकाळी सात वाजेपर्यंत फाटक बंद ठेवण्यात येणार असल्याची माहिती रेल्वे प्रशासनाने पत्रकाद्वारे कळविली आहे.
रेल्वे गेट पुणे-पंढरपूर या राज्य महामार्गावर आहे. यामुळे फलटण, पंढरपूर, सांगोला, दहिवडी, गोंदवले आदी ठिकाणांवरून पुणे-मुंबईकडे जाणाऱ्या आणि परत येणाऱ्या एसटी नीरा-गुळूंचे-राख-कोळविहीरे-जेजुरीमार्गे सोडण्यात येणार आहेत, अशी माहिती नीरा बसस्थानकाचे वाहतूक नियंत्रक प्रमोद सोनवणे यांनी दिली.
वाल्हा, नीरा, पिसुर्टी ग्रामपंचायत तसेच जेजुरी, नीरा, लोणंद, फलटण, बारामती या आगारांनाही याबाबत पत्रे देण्यात आली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.