उंब्रज (जि.सातारा) ः मोबाईलवर मेसेज पाठवून लग्न न केल्यास ठार मारेन, अशी धमकी देत केलेल्या छळास कंटाळून विभागातील अल्पवयीन मुलीने विष पिऊन आत्महत्या केली. नऊ मार्चला पहाटे ही घटना घडली. या प्रकरणी अमिन शिकूर इनामदार (वय 18) या संशयिताला अटक केली आहे. अमीनला मदत करणाऱ्या अल्पवयीन मुलीसही पोलिसांनी ताब्यात घेतले आहे. संशयितावर कठोर कारवाई व्हावी, अशी मागणी संतप्त महिलांनी पोलिस ठाण्यात केली. त्यामुळे काही काळ तणावाचे वातावरण होते.
 
पोलिसांनी दिलेली माहिती अशी ः संबंधित अल्पवयीन मुलीने विष प्राशन केल्यानंतर तिला सातारा येथील जिल्हा शासकीय रुग्णालयात उपचारास नेण्यात आले. रुग्णालयात असताना संबंधित मुलीने तिच्या नातेवाईकांना झालेल्या त्रासाबद्दल सांगितले. गावातून शाळेसाठी जाताना मार्गावर नेहमीच अमिन इनामदार हा त्रास देत होता. त्यानंतर त्या मुलीच्याच वर्गातील अन्य अल्पवयीन मुलीने तिचा मोबाईल नंबर अमिनला दिला. त्यानंतर संशयिताने त्या मुलीच्या मोबाईलवर संपर्क करण्यास सुरुवात केली. तो तिला मेसेज पाठवू लागला. तिला "लग्न कर नाही तर ठार मारीन' अशा त्याने वेळोवेळी धमक्‍या दिल्या. तो तिचा दररोज पाठलाग करायचा. मेसेज पाठवून तिचा छळ करायचा. त्यामुळे या त्रासाला कंटाळून संबंधित मुलीने पाच मार्च रोजी मध्यरात्री विषारी औषध घेत आत्महत्या करण्याचा प्रयत्न केला.

चार दिवस मृत्यूशी झुंज देणारी अल्पवयीन मुलगीचा नऊ मार्चच्या पहाटे मृत्यू झाला. त्तिच्या नातेवाइकाने दिलेल्या तक्रारीवरून पोलिसांनी संशयित अमिन इनामदारवर गुन्हा नोंद केला. त्यास अटक केली आहे. तो सध्या चार दिवसांच्या पोलिस कोठडीत आहे. पोलिस उपनिरीक्षक मोहन तलबार तपास करत आहेत.

वाचा : CoronaVirus : जग कसे बदलेल सांगणारा टिकटाॅक व्हिडिओ

हेही वाचा : सासूच्या अंत्यविधीला येताना सुनेचा अपघात; दोघींना एकाच वेळी अग्नी

वाचा : त्याला वाचविण्यासाठी धुळवडीचा सण बाजूला ठेवून अख्खे गाव  जमले तळयाकाठी

वाचा :  ग्राहकांनाे बिनधास्त रहा ही बॅंक सेफ; अफवांवर विश्वास ठेवू नका