सातारा ः कोरेगाव येथे पुण्यावरून आलेला 36 वर्षीय तरुण आणि मूळ महाबळेश्वर रहिवाशी मुंबईवरून आलेला 23 वर्षीय विद्यार्थी हे दोघेही आज (रविवार) कोरोना बाधित आढळल्याचा आहवाल प्राप्त झाला आहे. यामुळे काेरेगाव आणि महाबळेश्वरात काेराेनाचा शिरकाव झाल्याचे स्पष्ट आहे. दरम्यान रात्री उशिरा पारले (ता. कऱ्हाड) येथील कोरोना सेंटरमध्ये दाखल असणाऱ्या एका निकट सहवासिताचा अहवाल पॉझिटिव्ह आला आहे. आतापर्यंत कोरोनाबाधितांची संख्या 118 वर गेली असून, यापैकी 94 रुग्ण उपचार घेत आहेत. 20 रुग्ण कोरोनामुक्त होऊन घरी गेले आहेत, तर दोघांचा मृत्यू झाला. एकट्या कऱ्हाड तालुक्‍यात 87 रुग्णसंख्या झाली आहे.

शनिवारी (ता.9) दिवसभरात एकूण 219 संशयित रुग्णांचे रिपोर्ट निगेटिव्ह आले असून, कऱ्हाड, सातारा, फलटण व वाई येथील रुग्णालयांत नव्याने 258 संशयित दाखल झाले आहेत. कऱ्हाड तालुक्‍यातील पारले येथील कोरोना सेंटरमधील एका रुग्णाचा रिपोर्ट पॉझिटिव्ह आला. हा रुग्ण कोरोना रुग्णाच्या निकट सहवासित आहे. क्रांतिसिंह नाना पाटील सर्वसाधारण रुग्णालयातील दहा रुग्णांपैकी दोन महिला पोलिसांसह इतर आठ रुग्ण, कृष्णा मेडिकल कॉलेज कऱ्हाड येथे 94, वेणूताई चव्हाण उपजिल्हा रुग्णालय कऱ्हाड येथील 92, उपजिल्हा रुग्णालय फलटण येथील 14, तर ग्रामीण रुग्णालय वाई येथील नऊ असे एकूण 219 संशयित रुग्णांचे कोरोना अहवाल निगेटिव्ह आले आहेत.
 
शनिवारी (ता.9) दिवसभरात कोरोना संशयित म्हणून क्रांतिसिंह नाना पाटील सर्वसाधारण रुग्णालयात 30, कृष्णा मेडिकल कॉलेज कऱ्हाड येथे आठ, वेणूताई चव्हाण उपजिल्हा रुग्णालयात 179, ग्रामीण रुग्णालय कोरेगाव येथे 14 व ग्रामीण रुग्णालय वाई येथे 27 असे एकूण 258 जणांना विलगीकरण कक्षात दाखल करण्यात आले आहे.  
ज्या कोरोना बाधित रुग्णांना 14 दिवस पूर्ण झाले आहेत, अशा 17 रुग्णांचे नमुने, तसेच नव्याने विलगीकरण कक्षात दाखल झालेले 258 रुग्णांचे घशातील स्त्रावांचे नमुने बी. जे. वैद्यकीय महाविद्यालय, पुणे येथे तपासणीसाठी पाठविण्यात आले आहेत, अशी माहितीही जिल्हा शल्यचिकित्सक डॉ. गडीकर यांनी दिली. 

अजित पवार,जयंत पाटलांनी करुन दाखवलं; यांच्या गाेलगप्पाच

त्यांनी पळून गेलेल्या आमदारांना आणलं होतं पकडून... आज झालं चीज 

आता जाणार आम्ही शाळेला... 

काेणत्या राज्याने महाराष्ट्राकडे मदतीची याचना केली आहे वाचा सविस्तर.....