सोलापूर : स्वाईन फ्लयू, निमोनिया, सर्दी, खोकला आणि कोरोना या आजारांपासून चार हात लांब राहायचे असेल तर नागरिकांनी सोशल डिस्टन्सिंगचे पालन करायलाच हवे, असा निरोगी आरोग्याचा मूलमंत्र या आजारांवर उपचार करणाऱ्या तज्ज्ञ डॉक्‍टरांनी दिला आहे. 

हेही नक्‍की वाचा : सकाळ ब्रेकिंग ! कारखान्यांच्या गोदामात सडतेय 90 लाख टन साखर 

कोरोना या वैश्‍विक संकटाला हद्दपार करण्यासाठी राज्यातील तब्बल सव्वालाख डॉक्‍टर्सना प्रशिक्षण देण्यात आले असून आता आयुषच्या एक लाख डॉक्‍टरांना प्रशिक्षण दिले जाणार आहे. अचानक या संकटाचा विळखा वाढल्यास तज्ज्ञ डॉक्‍टर उपलब्ध असावेत, हा त्यामागील हेतू आहे. दरम्यान, कोरोनाला हद्दपार करण्यात सर्वात मोठा वाटा नागरिकांचा असणार आहे. विनाकारण घराबाहेर पडू नका, सोशल डिस्टन्सिंगचे पालन करा, मास्कचा वापर करा, हात स्वच्छ धुवावेत असे आवाहन डॉक्‍टरांकडून करण्यात येत आहे. लॉकडाउन करुनही दिवसेंदिवस कोरोनाबाधितांची संख्या वाढू लागल्याने केंद्र व राज्य सरकारकडून ठोस नियोजन सुरु आहे. दरम्यान, स्वत:च्या कुटुंबाची पर्वा न करता देशावरील कोरोनाचे संकट घालविण्यासाठी डॉक्‍टर अहोरात्र मेहनत घेत असून त्यांना सहकार्य करण्यासाठी नागरिकांची मदत खूप मोलाची ठरणार आहे. 

हेही नक्‍की वाचा : मोठी बातमी ! विद्यार्थ्यांना द्यावी लागणार तीन सत्रात परीक्षा 

तज्ज्ञ डॉक्‍टरांकडून घ्यावा सल्ला 
सर्दी, खोकला, पडसे, निमोनिया, स्वाईन फ्ल्यू, कोरोना असे साथीचे आजार होऊ नयेत म्हणून नागरिकांनी सोशल डिस्टन्सचे पालन करणे खूप महत्त्वाचे आहे. नियमित व्यायाम, करणे, पौष्टिक आहार घेणे, काही लक्षणे आढळल्यास तत्काळ डॉक्‍टरांचा सल्ला घेतल्यास निश्‍चितपणे प्रत्येकांचे आरोग्य निरोगी राहील. 
- डॉ. संजीव ठाकूर, अधिष्ठाता, शासकीय वैद्यकीय महाविद्यालय, सोलापूर 

हेही नक्‍की वाचा : निम्मी लढाई जिंकली...सोलापुरात अद्यापही नाही कोरोना 

कोरोनाबाधितांवर उपचार करणारे डॉक्‍टर म्हणतात... 

• जीव धोक्‍यात घालून आम्ही करतोय कोरोनाबाधितांवर उपचार 
• नागरिकांनी घ्यावी खबरदारी : सोशल डिस्टन्सिंग हाच कोरोनाशी यशस्वी मुकाबला 
• प्रशिक्षित डॉक्‍टरांच्या सुरक्षिततेसाठी सरकारने दिले पीपीई कीटचे संरक्षण 
• डॉक्‍टरांपासून काहीच लपवू नका : रोग प्रतिकारक शक्‍ती वाढविण्यासाठी व्यायाम अन्‌ पौष्टिक आहार घ्या