सोलापूर : देशातून कोरोना विषाणूला हद्दपार करण्याच्या हेतूने रेल्वे वाहतूक 31 मार्चऐवजी आता 14 एप्रिलपर्यंत बंद ठेवण्याचा निर्णय केंद्रीय रेल्वे मंत्रालयाने घेतला आहे. त्यामुळे रेल्वेला दररोज अकराशे कोटींचा फटका सोसावा लागत असून 14 एप्रिलपर्यंत तब्बल 26 हजार 400 हजार कोटींचे उत्पन्न बुडणार आहे. या कालावधीत 14 लाख अधिकारी व कर्मचाऱ्यांच्या वेतनापोटी एक हजार 110 कोटींची पदरमोड करावी लागणार आहे. 

हेही नक्‍की वाचा : भुजबळ कडाडले ! ज्यादा दराने जिवनावश्‍यक वस्तू विकल्यास सात वर्षांची शिक्षा 

कोरोनाचे संकट देशात पाय पसरू लागल्याने देशाच्या इतिहासात प्रथमच संपूर्ण रेल्वेसेवा ठप्प ठेवण्यात आली आहे. सेंट्रल रेल्वेचे 2018-19 मध्ये एक लाख 48 हजार 528 कोटींचे भागभांडवल होते. तर सेंट्रल रेल्वेला दरवर्षी दोन लाख एक हजार 90 कोटी रुपयांचे उत्पन्न मालवाहतूक रेल्वेतून मिळते. तसेच प्रवासी वाहतुकीतून दरवर्षी सरासरी दोन लाख 840 कोटींचे उत्पन्न मिळते. रेल्वेचे उत्पन्न दरवर्षी सात ते आठ टक्‍क्‍यांनी वाढत असतानाही रेल्वेची काही स्थानके व गाड्या खासगी तत्त्वावर चालविण्याची प्रायोगिक योजना केंद्र सरकारने नुकतीच सुरू केली आहे. तब्बल 14 लाख अधिकारी व कर्मचारी रेल्वेत काम करीत असून विस्कळित वेळापत्रकांमुळे काही मार्गांवरील प्रवाशांची संख्या घटल्याने त्याचा उत्पन्नावर परिणाम झाल्याचीही चर्चा आहे. या पार्श्‍वभूमीवर खासगीकरणाला आणखी बळकटी मिळाल्याचेही वरिष्ठ अधिकारी सांगू लागले आहेत. एकूणच कोरोनाचे संकट दूर झाल्यानंतर बुडालेल्या उत्पन्नातून रेल्वे कसा मार्ग काढणार, याची उत्सुकता लागली आहे. 

हेही नक्‍की वाचा : सकाळ ब्रेकिंग ! पोलिस बंदोबस्तात होणार शेतमालांचे लिलाव 

रेल्वे बंदमुळे उत्पन्नावर मोठा परिणाम 
कोरोना हे वैश्‍विक संकट देशातून हद्दपार करण्याच्या हेतूने संपूर्ण रेल्वे वाहतूक 10 दिवस बंद ठेवली होती. मात्र, बुधवारी (ता. 25) केंद्रीय रेल्वे मंत्रालयाचे पत्र प्राप्त झाले असून त्यानुसार 14 एप्रिलपर्यंत रेल्वे वाहतूक बंद राहणार आहे. त्यामुळे मध्य रेल्वेसह सेंट्रल रेल्वेला मोठा फटका बसणार असून ज्या प्रवाशांनी तिकिटे घेतली होती, त्यांना आता परतावा देण्याचे नियोजन सुरू आहे. 
- प्रदीप हिरडे, वरिष्ठ वाणिज्य व्यवस्थापक, सोलापूर रेल्वे 

हेही नक्‍की वाचा : उमेदवारी अर्जासोबत आता जात वैधता प्रमाणपत्र बंधनकारक 

सेंट्रल रेल्वेचा पसारा 
(एकूण अधिकारी- कर्मचारी) 
14.09 लाख 
(मालवाहतूक गाड्यांमधून उत्पन्न) 
2 लाख 1 हजार 90 कोटी 
(प्रवासी वाहतूक उत्पन्न) 
2 लाख 840 कोटी 
(वेतनापोटी होणारा खर्च) 
1 लाख 88 हजार कोटी