पंढरपूर-सांगोल्याचं राजकारण सामान्यांना समजण्याच्या पलीकडचं आहे. त्यातच आता आणखी एक राजकीय बातमी समोर आली आहे. याचा फायदा राष्ट्रवादीला (NCP) होणार का? हे पाहणं महत्वाचं ठरणार आहे.

कसब्याचे काँग्रेस आमदार रवींद्र धंगेकर (Congress MLA Ravindra Dhangekar) यांचा सत्कार शरद पवार (Sharad Pawar) यांच्या हस्ते का झाला? याचे कोडे अनेकांना पडले आहे. सांगोल्यात मराठा आणि धनगर समाजाची ताकद जवळपास समसमान आहे.

त्यानंतर लोणारी समाज (Lonari Community) इथं निर्णायक आहे. हा समाज आपल्यासोबत ठेवण्यासाठी सांगोल्याच्या राजकारणात आमदार धंगेकर यांचं नाव सत्काराच्या निमित्तानं हाताळण्यात आलं आहे.

2024 च्या सांगोला विधानसभा (Sangola Assembly Election) आखाड्यात आपण उतरणारच असल्याचे संकेत माजी आमदार दीपक साळुंखे यांनी या सत्कार सोहळ्यातून दिले आहेत. सांगोल्यासह पंढरपूर, मंगळवेढा, माढा व करमाळा या तालुक्यात लोणारी समाज कमी-अधिक प्रमाणात आहे. त्यांच्यावरही प्रभाव पाडण्याचा प्रयत्न या निमित्तानं झालेला दिसतो. त्यामुळं धंगेकर यांचा शरद पवार यांच्या हस्ते झालेला सन्मान राष्ट्रवादीला बळ देणारा ठरेल का? हे देखील पाहणं महत्वाचं ठरणार आहे.