सोलापूर

जिल्हा परिषद सदस्य अतुल पवार यांनी सुरु केली स्वखर्चाने कामे

दत्तात्रय खंडागळे

या कामांमुळे आगामी निवडणुकीचा राजकीय रंगही येऊ लागला आहे.

सांगोला (सोलापूर): जिल्हा परिषद सदस्य अतुल पवार यांनी सांगोला तालुक्यातील जवळा जिल्हा परिषदेत गटामध्ये विविध ठिकाणी स्वखर्चातून रस्त्याची कामे सुरू केली आहेत. 'ना टेंडर, ना वर्क ऑर्डर, ना व्हॅल्युएशन...डारेक्ट काम' असे कामांचे स्वरुपच तयार झाले आहे. या कामांमुळे आगामी निवडणुकीचा राजकीय रंगही येऊ लागला आहे.

संगेवाडी - ढोलेमळा (शिरभावी) रस्त्याच्या कामाचे उद्घाटन अतुल पवार व ग्रामस्थांच्या हस्ते करण्यात आले. गेल्या अनेक दिवसापासून या रस्त्यावर खड्ड्यांमुळे पावसाळ्यात ये-जा करणे ग्रामस्थांना त्रासदायक होते. शिरभावी, मेटकरवाडी, ढोले मळा व संगेवाडी परिसरातील नागरिकांना या रस्त्यावरून कायमस्वरूपी ये-जा करावी लागत असत. परंतु कोणत्याच योजनेखाली या रस्त्याचे काम होत नसल्याने जिल्हा परिषद सदस्य अतुल पवार यांनी स्वखर्चातून या रस्त्याचे काम हाती घेतले आहे. या रस्त्याचे उद्घाटन शुक्रवारी जि. प. सदस्य अतुल पवार व जेष्ठ नागरिकांच्या हस्ते नारळ फोडून करण्यात आले. या परिसरातील जे रस्ते नागरिकांना ये-जा करण्यासाठी त्रासदायक आहेत, अशा रस्त्याचे कामे मी स्वखर्चातून करणार असल्याचेही यावेळी जिल्हा परिषद सदस्य अतुल पवार यांनी सांगितले. या कार्यक्रमासाठी संगेवाडी परिसरातील अनेक नागरिक उपस्थित होते.

कामांबरोबर निवडणुकीचीही चर्चा

जिल्हा परिषद जवळा गटांमध्ये जिल्हा परिषद सदस्य अतुल पवार यांनी स्वखर्चातून कामे सुरू करण्याचा धडाका सुरु केला आहे. गेल्या अनेक वर्षापासून प्रलंबित असणारे रस्त्यांची कामे ते अग्रक्रमाने करीत आहे. त्यामुळे अनेक गावातील रस्त्याच्या कामाबाबत कोणतेही टेंडर नाही, वर्क ऑर्डर नाही किंवा व्हॅल्युएशन नाही ते डायरेक्ट कामाला सुरवात करीत आहेत. रस्त्याबरोबरच शेतकऱ्यांसाठी वीजेचे पोलही ते स्वखर्चाने बसवून देणार आहेत. या स्वखर्चाच्या त्यांच्या कामामुळे आगामी जिल्हा परिषद व पंचायत समितीच्या निवडणुकीची चर्चा नागरिकांत जोरदार रंगू लागली आहे.

आम्हाला काय कामाशी मतलब

सध्या स्वखर्चाने जिल्हा परिषद सदस्य पवार यांनी कामे सुरु केली आहेत. या कामांच्या उद्धाटनाला गावातील विविध पक्षातील नागरीक, कार्यकर्ते उपस्थित असल्याने त्यांना याविषयी विचारले तर ते म्हणाले की, कित्येक वर्षे झाली हा रस्त्याचे काम कोणीही, कोणत्याही योजनेतून केले नाही. आता आम्हाला काय कामाशी मतलब..

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Shambhuraj Desai : मंत्री शंभुराज देसाईंचे थेट माजी मुख्यमंत्री पृथ्वीराज चव्हाणांनाच आव्हान... म्हणाले,

IND vs ENG 3rd Test: जसप्रीत बुमराहच्या ५ विकेट्सने दिले हादरे! कपिल देवसह अनेकांचे विक्रम मोडले; पण इंग्लंडचे शेपूट पुन्हा वळवळले

Latest Marathi News Updates: खडकवासला धरण परिसरात प्रेमी युगलाने दिला जीव

Power of Simple Living and Discipline : साधं राहणीमान अन् बचतीच्या जोरावर ४५व्या वर्षी निवृत्तीपर्यंत जमवले ४.७ कोटी; जाणून घ्या कसे?

मॅरेज मटेरियल असतात या राशीच्या व्यक्ती ; लग्नानंतर उजळेल जोडीदाराचं भाग्य, संसारही होईल सुखाचा

SCROLL FOR NEXT