Devendra Fadnavis
Devendra Fadnavis 
पिंपरी-चिंचवड

खरेदीचा त्यांना शौक आहे. कारण, त्यात माल मिळतो.

सकाळवृत्तसेवा

पिंपरी - 'राज्य सरकारमधील तीन पक्षांच्या भांडणात आदिवासी समाज कल्याणकारी योजनांपासून वंचित राहात आहे. आदिवासी कल्याणासाठीच्या तांत्रिक समितीने लाभार्थींच्या बॅंक खात्यात पैसे जमा करण्याचे सुचविले आहे. मात्र, राज्य सरकारचा जोर खरेदीवर आहे. खरेदीचा त्यांना शौक आहे. कारण, त्यात माल मिळतो. कोणाला किती माल मिळतो, यावरून तिन्ही पक्षांमध्ये भांडणे आहेत,' असा आरोप विधानसभा विरोधी पक्षनेते देवेंद्र फडणवीस यांनी केला. 

- पुण्याच्या बातम्या वाचण्यासाठी येथे ► क्लिक करा

भाजप अनुसूचित जमाती व आदिवासी मोर्चाचे प्रदेश पदाधिकारी व कार्य समितीची बैठक आणि कार्यकर्ता मेळाव्यात फडणवीस बोलत होते. भोसरीतील अंकुशराव लांडगे नाट्यगृहात झालेल्या मेळाव्याला महापौर उषा ढोरे, भाजप प्रदेश प्रभारी ओमप्रकाश धुर्वे, माजी मंत्री गिरीश महाजन, प्रदेश संघटनमंत्री विजयराव पुराणिक, महामंत्री श्रीकांत भारतीय, सचिव अमित गोरखे, अनुसूचित जमाती मोर्चा प्रदेशाध्यक्ष आमदार डॉ. अशोक उईके, खासदार डॉ. भारती पवार, खासदार अशोक नेते, सत्तारूढ पक्षनेते नामदेव ढाके आदी उपस्थित होते. 

फडणवीस म्हणाले, 'आदिवासी समाजावर असलेले 175 कोटींचे खावटी कर्ज राज्यात आमचे सरकार असताना माफ केले. पेसाअंतर्गत आदिवासी समाजाला थेट पद्धतीने अनुदान देण्यास सुरुवात केली. मात्र, आम्ही घेतलेले निर्णय आताच्या सरकारने बंद केले आहेत. हा अधिकार त्यांना कोणी दिला, या सरकारला फक्त खरेदीत रस आहे. थेट अनुदान नाकारून आदिवासी समाजासाठी वस्तू खरेदीचा घाट सरकारने घातला आहे. आदिवासी समाजाच्या योजना ठप्प आहेत.'' 

बसायला भरपूर जागा 
राज्य सरकारमधील तीनही पक्ष तीन वेगवेगळ्या दिशेला चालले आहेत. त्यामुळे राज्याची अवस्था वाईट झाली आहे. ते एकत्र असले, तरी त्यात घाबरण्यासारखे काही नाही. कारण, त्यांना बसायला जागा नाही. दोन सोफे ठेवले आहेत. एका सोफ्यावर तीन लोक बसले आहेत. आपण एकटेच बसणार आहोत. त्यामुळे आपल्याला बसायला भरपूर जागा आहे, अशी उपरोधिक टोमणा मारून फडणवीस म्हणाले, 'आपल्याला मोठ्या प्रमाणात राजकीय स्पेस मिळत आहे. हे नुकत्याच झालेल्या ग्रामपंचायत निवडणुकीतून दिसून आले आहे. साडेपाच ते सहा हजार ग्रामपंचायतीत भाजपची सत्ता आली आहे. एक नंबरचा पक्ष झाला आहे. म्हणून घाबरून जाण्याचे कारण नाही.'

Edited By - Prashant Patil

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IPL 2024: आजपर्यंत आयपीएलच नाही, तर T20 च्या इतिहासात जे कोणालाच जमलं नव्हतं, ते KKR ने लखनौमध्ये करून दाखवलं

CISCE Result : ‘सीआयएससीई’च्या दहावी-बारावीचा निकाल उद्या होणार जाहीर; 'येथे' बघा रिझल्ट

IPL 2024 LSG vs KKR: दमदार फलंदाजीनंतर कोलकाताच्या गोलंदाजांनी उडवला लखनौचा धुव्वा! पाँइंट्स टेबलमध्येही गाठला पहिला नंबर

Lok Sabha Election : 'PM मोदी हे कायमच आरक्षणाच्या विरोधात, आताही त्यांना...'; राहुल गांधीची घणाघाती टीका

Sharad Pawar : तब्येतीच्या कारणामुळे शरद पवारांचे उद्याचे सर्व कार्यक्रम रद्द

SCROLL FOR NEXT