लोणावळा - ""आगामी 2021 मध्ये वर्ष ग्रामपंचायत, नगरपालिका निवडणुकांचे वर्ष आहे आणि या निवडणुकांमध्ये वर्चस्व मिळविणे हे राष्ट्रवादी कॉंग्रेसचे लक्ष्य आहे,'' असा निर्धार राष्ट्रवादी कॉंग्रेसचे जिल्हाध्यक्ष प्रदीप गारटकर यांनी व्यक्त केला. 

निवडणुकांच्या पार्श्वभूमीवर जिल्हा राष्ट्रवादी कॉंग्रेसच्या वतीने सर्व तालुकाध्यक्ष, फ्रंट, सेलचे जिल्हाध्यक्ष व सर्व युवक तालुकाध्यक्षयांच्या समवेत बैठक आयोजित करण्यात आली होती. त्यावेळी गारटकर पत्रकारांशी संवाद साधला. राष्ट्रवादी युवक कॉंग्रेसचे अध्यक्ष सचिन घोटकुले, युवती जिल्हाध्यक्षा पूजा बुट्टे, तालुकाध्यक्ष बबनराव भेगडे, विद्यार्थी आघाडी जिल्हाध्यक्ष करण कोकणे, सुभाष जाधव, लोणावळा शहर युवक अध्यक्ष सनी पाळेकर उपस्थित होते. आगामी ग्रामपंचायत निवडणुकीच्या पार्श्वभूमीवर विचारविनिमय करणे, सहकारी संस्था, जिल्हा परिषद, पंचायत समिती, नगरपालिका, निवडणुकांची पूर्वतयारी, पक्ष संघटना व फ्रंटल सेल कार्यकारिणीमध्ये फेरबदल करण्याबाबत आगामी काळात जिल्हास्तरीय पक्ष संघटनेचे उपक्रम, कार्यक्रम राबविण्याबाबत चर्चा करण्यात आली. 

हेही वाचा : पाण्यासाठी आणखी किती पैसे मोजायचे?

सुळे, डॉ. कोल्हे करणार दौरा 
आगामी निवडणुकांच्या पार्श्वभूमीवर बारामती लोकसभेच्या खासदार सुप्रिया सुळे आणि शिरूर लोकसभा मतदार संघाचे खासदार डॉ. अमोल कोल्हे यांचा सोमवार (ता.4) जानेवारी ते शुक्रवार (ता. 8) या पाच दिवसांच्या कालावधीत जिल्ह्यातील नगरपालिका क्षेत्र व जिल्ह्यात दौऱ्याचे आयोजन करण्यात आल्याची माहिती गारटकर यांनी दिली. 

पिंपरी-चिंचवड शहरात आज शून्य मृत्यू;127 नवीन रुग्ण 

पंधरा हजार कार्यकर्त्यांचे रक्तदान 
राष्ट्रवादीचे अध्यक्ष शरद पवार यांच्या वाढदिवसाचे औचित्य साधून रक्तदान करण्याचे आवाहन करण्यात आले होते. त्याला प्रतिसाद देत जिल्ह्यातील पाच हजार युवक कार्यकर्त्यांसह पदाधिकारी, कार्यकर्ते मिळून पंधरा हजार जणांनी रक्तदानाचा हक्क बजावल्याचे घोटकुले यांनी सांगितले. 

Coronavirus: नव्या कोरोना रुग्णांसाठी भोसरी रुग्णालय