पुणे : जिल्ह्यात 13 कोंबड्यांचा आकस्मिक मृत्यू झाल्यानंतर दुसऱ्या दिवशी गुरुवारी दोन कावळे मृत झाल्याचे आढळून आले आहे. बर्ड फ्लू रोगामुळेच हे पक्षी मृत झाले की नाही, याबाबत पशुसंवर्धन आयुक्तालयाकडून स्पष्ट करण्यात आलेले नाही. राज्यात आजअखेर तीन हजार 338 विविध पक्ष्यांचा मृत्यू झाला आहे.
बर्ड फ्लू रोगाचा प्रादूर्भाव हिमाचल प्रदेश, राजस्थान, केरळ व मध्य प्रदेश या राज्यांतील स्थलांतरीत पक्षांमध्ये आढळून आला आहे. तसेच महाराष्ट्रातही काही ठिकाणी तपासणीचे निष्कर्ष पॉझिटिव्ह आले आहेत.
राज्यात लातूर 47, गोंदिया 25, चंद्रपूर 86, नागपूर 110, यवतमाळ 10, सातारा 50 आणि रायगड जिल्ह्यात 3 अशा एकूण 331 कोंबड्यांचा मृत्यू झाला आहे. सांगली जिल्ह्यात 34, अमरावती आणि सोलापूर जिल्ह्यात प्रत्येकी 1 बगळा, पोपट, चिमण्या आणि वर्धा येथे 8 मोर अशा एकूण 44 पक्षांची आकस्मिक मृत्यूची नोंद झाली आहे.
नाशिक, यवतमाळ, नंदुरबार जिल्ह्यांत प्रत्येकी एक, पुणे आणि जळगाव जिल्ह्यात प्रत्येकी दोन असे राज्यात एकूण सात कावळे मृत झाले आहेत. त्याचे नमुने तपासणीसाठी भोपाळ येथील राष्ट्रीय उच्च सुरक्षा पशुरोग संस्थेच्या प्रयोगशाळेत आणि पुणे येथील प्रयोगशाळेत पाठविण्यात आले आहेत. तपासणीचे निष्कर्ष हाती येण्यास 48 तास लागू शकतात, असे पशुसंवर्धन आयुक्तालयाकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.