धायरी : पुण्यातील एका शाळेत शनिवारी (ता.25) स्वराज्याचे शिल्पकार राजमाता जिजाऊ, छत्रपती शिवाजी महाराज आणि नरवीर तानाजी मालसुरे यांना अनोख्या पद्धतीने मानवंदना देण्यात आली. या उपक्रमात सुमारे 4 हजार 4 विद्यार्थ्यांनी सहभाग घेतला होता.
झील एजुकेशन सोसायटीचे विद्यार्थी दरवर्षी 'प्रजासत्ताक दिना'निमित्त नवनवीन उपक्रम राबवत असतात. भारत देशाला मोठा सांस्कृतिक आणि ऐतिहासिक वारसा लाभलेला आहे. ३५० वर्षांपूर्वी स्वराज्य स्थापनेचे स्वप्न पाहणाऱ्या राजमाता जिजाऊ, हे स्वप्न सत्यात उतरवणारे छत्रपती शिवाजी महाराज तसेच महाराजांचं स्वराज टिकवण्यासाठी आपले बलिदान देऊन सिंहगड (कोंढाणा) गड पुन्हा स्वराज्यात आणणारे नरवीर तानाजी मालुसरे या तीन स्वराज्याच्या शिलेदारांची प्रतिकृती शनिवारी साकारली.
तसेच भारत देशात सन्मानाने फडकवल्या जाणाऱ्या तिरंग्याची प्रतिकृती या वर्षी झील एज्युकेशन सोसायटीने साकारली.
या अनोख्या कलाकृतीनं डोळ्यांचं पारणं फेडलं. या उपक्रमाची दखल घेत आंतराष्ट्रीय संस्था " वर्ल्ड बुक्स ऑफ रेकॉर्डस् ,लंडन " या मध्ये नोंद करण्यात आली आहे व तसे प्रमाणपत्रसुद्धा देण्यात आले. प्रजासत्ताक दिनाचे औचित्य साधून या तिन्ही स्वराज्याच्या शिल्पकारांना मानवंदना देण्यात आली.
ब्रिगेडियर दीपक भट यांनी विध्यार्थ्यांना मार्गदर्शन करताना आजच्या तरुणांना सजग राहून सामाजिक भान व देशप्रेम जपण्याचे आवाहन केले. याच बरोबर शिवाजी महाराजांचा युद्धनीती व गनिमी कावा भारतीय लष्करासाठी सदैव मार्गदर्शक आहेत, असे मत मांडले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.