इंदापूर : पुणे जिल्हा राष्ट्रवादी काँग्रेसने वर्धापन दिनानिमित्त आयोजित केलेल्या राष्ट्रवादी ऑनलाइन नोकरी महोत्सवात 55 हजार जणांनी आपले अर्ज बायोडाटासह दाखल केले असून, त्यांची शिक्षण, अनुभवानुसार क्रमवारी करण्याचे काम सुरू आहे.

पुणे जिल्ह्यातील आठवडे बाजार सुरू, या आहेत नियम व अटी

या उपक्रमातून राष्ट्रवादी काँग्रेस युवा पिढीस पात्रते
नुसार नोकरी देण्यास कटीबद्ध असल्याची माहिती राष्ट्रवादी कॉंग्रेसचे पुणे जिल्हाध्यक्ष प्रदिप गारटकर यांनी दिली.  इंदापूर राष्ट्रवादी काँग्रेस पक्ष कार्यालयात आयोजित पत्रकार परिषदेत त्यांनी या उपक्रमाबाबत माहिती दिली. या वेळी राष्ट्रवादी कॉंग्रेसचे तालुकाध्यक्ष हनुमंत कोकाटे, बाळासाहेब करगळ आदी उपस्थित होते. 

अबब! शिवाजीनगर स्टेशनच्या रुळावर दिसला अजगर मग...

गारटकर यांनी सांगितले की, कोरोनामुळे जाहीर केलेली संचारबंदी आता शिथील करण्यात आली आहे. मात्र, सध्या औद्योगिक वसाहतीत फक्त 25 टक्के कामगार आहेत. त्यामुळे स्थानिक युवापिढीस नोकरीमध्ये प्राधान्य मिळावे व उद्योग- व्यवसाय वाढावेत, यासाठी हा उपक्रम फक्त पुणे जिल्ह्यापुरता घेतला होता. मात्र, खासदार सुप्रिया सुळे, पक्षाचे प्रदेशाध्यक्ष जयंत पाटील, सामान्य प्रशासन राज्यमंत्री दत्तात्रेय भरणे यांनी या उपक्रमाची गरज लक्षात घेऊन हा उपक्रम राज्य पातळीवर पोहोचवला. त्यामुळे संपूर्ण राज्यातून 55 हजार ऑनलाइन अर्ज आले आहे. या अर्जांची कंपनीच्या गरजेनुसार वर्गवारी करण्याचे काम सुरू आहे. त्यासाठी व्यावसायिक कंपन्यांची मदत घेतली जात आहे. 

न्यायाच्या प्रतीक्षेत असलेल्यांना अखेर मिळणार दिलासा पण...

राष्ट्रवादी काँग्रेसने विधानसभा निवडणुकीत कंपनीमध्ये स्थानिक कामगारांना 80 टक्के नोकऱ्या देण्याचे आश्वासन दिले होते, त्याची पूर्तता या उपक्रमामुळे होत आहे. मात्र, मराठी युवा पिढीने या संधीचा फायदा घेऊन आपल्या कुटुंबाचे रहाटघाडगं पूर्वपदावर आणावे. 
 - प्रदीप गारटकर, 
अध्यक्ष, पुणे जिल्हा राष्ट्रवादी काँग्रेस