पुणे : पुणे विभागात गुरुवारी (ता.९) 53 नवीन रुग्णांची नोंद झाली. यामुळे विभागातील कोरोना बाधित रुग्णांची संख्या 246 झाली आहे. गुरुवारी विभागात 7 कोरोना बाधित रुग्णांचा मृत्यू झाला आहे.
गेल्या 24 तासांमध्ये अहवाल प्राप्त झालेल्या मृत्यूपैकी 6 पुणे महापालिका क्षेत्रातील असून, एक बारामतीमधील रहिवासी असल्याची माहिती विभागीय आयुक्त डॉ.दीपक म्हैसेकर यांनी दिली.
कर्वे रस्त्यावरील सहयाद्री रुग्णालयात 42 वर्षीय कोरोना बाधित पुरुष रुग्णाचा मृत्यू झाला आहे. या रुग्णास श्वसन संस्थेतील जंतू संसर्ग, अल्कोहोलीक लिवर व मधुमेहाचा विकार होता.
ससून रुग्णालयात 63 वर्षीय कोरोना बाधित महिलेचा मृत्यू झाला आहे. या महिलेस निमोनिया व किडनीचा विकार होता. अन्य एका 60 वर्षीय कोरोना बाधित पुरुष रुग्णाचा ससून रुग्णालयात मृत्यू झाला आहे. या रुण्गास निमोनिया व किडनी विकार होता.
बारामतीमधील 65 वर्षीय पुरुष रुण्गाचाही मृत्यू ससूनमध्ये झाला असून, या रुग्णास निमोनिया विकार होता. तर, नोबल रुग्णालयात मृत 62 वर्षीय कोरोना बाधित पुरुष रुग्णास निमोनिया, मधुमेह होता. जहांगीर रुग्णालयात मृत झालेल्या 62 वर्षीय कोरोना बाधित महिलेस मधुमेह व अल्सरचा विकार होता. ससून रुग्णालयात मृत झालेल्या अन्य एका 58 वर्षीय कोरोना बाधित महिलेस निमोनिया व तीव्र श्वसन विकार होता, असे डॉ. म्हैसेकर यांनी सांगितले.
कोरोना विषाणूचा प्रादुर्भाव रोखण्यासाठी विभागातील पुणे महापालिका क्षेत्रामधील एकूण 35 चौरस किलोमीटर क्षेत्र प्रतिबंधित क्षेत्र म्हणून घोषित करण्यात आले आहे. या भागात संचारबंदी लागू केल्यामुळे सुमारे 10 लाख 50 हजार इतकी लोकसंख्या प्रभावित झाली आहे.
नागरिकांसाठी हेल्प लाईन सुरु करण्यात आली असून सकाळी 10 ते संध्याकाळी 6 या वेळेमध्ये 020-65506923/24/25 या दुरध्वनी क्रमांकावर नागरिकांना संपर्क साधता येईल.
पिंपरी-चिंचवड महापालिका क्षेत्रामध्ये 4 ठिकाणी, बारामती नगर परिषद क्षेत्रामध्ये 2 ठिकाणी व इस्लामपूर नगरपरिषद क्षेत्रामध्ये 1 ठिकाणी प्रतिबंधित क्षेत्र म्हणून घोषित करण्यात आले आहे. याठिकाणी संचारबंदी लागू करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.