पुणे : पुणे विद्यापीठाच्या आवारात असलेली इंटर युनिव्हर्सिटी सेंटर फॉर अस्ट्रॉनॉमी अँड अस्ट्रॉफीजिक्स (आयुका) या संशोधन संस्थेच्या वतीने नुकतीच दोन दिवसीय कार्यशाळेचे आयोजन करण्यात आले होते तर, राज्यातून सुमारे एक हजार शिक्षकांनी यामध्ये सहभाग घेतला होता. कोरोनाच्या पार्श्वभूमीवर ही कार्यशाळा ऑनलाईन पद्धतीत घेण्यात आली. सोप्या पद्धतीत विद्यार्थ्यांपर्यंत विज्ञानाची माहिती पोहोचविण्यासाठी शिक्षकांना विविध ऍप आणि तंत्रज्ञानाची माहिती देण्यात आली. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

ही कार्यशाळा इयत्ता आठवी ते 10वी च्या विद्यार्थ्यांसाठी विज्ञान, भूगोल, गणित व खगोलशास्त्र या विषयांसाठी शिक्षक विविध प्रकारचे ऍप आणि टूल्सचा वापर कश्या प्रकारे करू शकतील यावर आधारित होती. तर कार्यशाळा मराठीमध्ये ठेवण्यात आली होती तसेच ग्रामीण व शहरी भागातील शिक्षकांनी यात सहभाग घेतला होता. तसेच यामध्ये विविध तज्ज्ञांनी देखील भाग घेतला होता. 

आठ दिवसांनी दिसतात कोरोनाची लक्षणे; नव्या संशोधनातून समोर आली माहित

सध्या कोरोनामुळे शैक्षणिक धोरणात बदल झाले असून ऑनलाईन शिक्षण पद्धतीचा वापर केला जात आहे. अश्यात विद्यार्थ्यांना कोणतीही अडचण येऊ नये तसेच विज्ञान, गणित किंवा भूगोल विषयाशी संबंधित शंका दूर करण्यासाठी तंत्रज्ञानाचा योग्य वापर कसा करता येईल हे या मागचे मुख्य उद्देश होते. यासाठी आयुका मार्फ़त शालेय अभ्यासक्रमाचा आढावा घेण्यात आला व त्यावर आधारित कोणते ऍप सोयीस्कर असतील त्याची माहिती गोळा करण्यात आली. ही माहिती कार्यशाळेच्या माध्यमातून शिक्षकांना पोहीचविण्यात आली. त्यामुळे शिक्षकांना सुद्धा आता विज्ञान शिकवणे आणखीन सोपे होईल. अशी माहिती आयुकाच्या वतीने देण्यात आली. 

लय भारी, पुण्यातील या 11 शिक्षकांनी मिळवली आयआयटीची पदवी

आता एलपीजी सिलिंडर बुकिंग व्हाॅट्सअपवर