पुण्यातील सासवड रस्त्यावर झालेल्या अपघातात बाप-लेकीचा जागीच मृत्यू झाला आहे. मुलीला शाळेत सोडण्यासाठी जात असताना हा अपघात झाला आहे. वडिलांचा जागीच मृत्यू झाला असून मुलीला उपचारासाठी नेत असताना मृत्यू झाला. (Road Accident in Pune)

मुलीला शाळेत सोडविण्यासाठी जात असताना त्यांना ट्रकची (Truck Accident) धडक बसली. या धडकेत वडिलांचा जागीच मृत्यू झाला. मुलीला उपचारासाठी हॉस्पिटल मध्ये घेऊन जात असताना तिचा दुर्दैवी मृत्यू झाला. हा अपघात सकाळी सात वाजण्याच्या सुमारास ग्लायडिंग सेंटर समोर सातववाडी या ठिकाणी झाला.

नीलेश साळुंखे (वय ३५, रा. ढमाळवाडी, फुरसुंगी) मीनाक्षी साळुंखे (वय १०) अशी अपघातात मृत्यू झालेल्यांची नावे आहेत. मीनाक्षी ही साधना विद्यालयामध्ये इयत्ता पाचवीमध्ये शिकत होती. या प्रकरणी ट्रक (MH46AR5181) चालक दिलीप कुमार पटेल (रेवा, मध्य प्रदेश) याला हडपसर पोलिसांनी अटक केली आहे.