कोरेगाव भीमा : पेरणे फाटा येथे कर्जाच्या पैशांच्या कारणातून विवाहितेवर बलात्कार व गर्भपाताच्या धक्कादायक घटनेत लोणीकंद पोलिसांकडून दाखल गुन्ह्यात अटकपूर्व जामिनावर असताना पुन्हा पीडितेच्या घरी जाऊन गुन्हा मागे घेण्यासाठी दमदाटी, विनयभंग व जिवे मारण्याची धमकी देत बलात्काराचा प्रयत्न केल्याच्या घटनेत शिक्रापूर पोलिसांनी राहुल वाळके यास आज अटक केली. 

पुण्यातील चुकलेल्या उड्डाणपुलांचं करायचं काय? अजित पवार म्हणाले...

याबाबत पोलिसांनी दिलेल्या माहितीनुसार, पेरणे फाटा (ता. हवेली) येथे पीडित महिलेच्या पतीने काही आर्थिक अडचणींमुळे पेरणे गावातील राहुल वाळके याच्याकडून उसने पैसे घेतले होते. या घटनेनंतर राहुल महिलेच्या घरी येऊ लागला. काही कालावधीनंतर पैसे देऊ न शकल्याने राहुलने महिलेवर दहशत निर्माण करून लैंगिक अत्याचार केले. त्यानंतर त्याने वेळोवेळी महिलेवर अत्याचार केला. तसेच आरोपीने यादरम्यान महिलेवर दहशत निर्माण करत पतीच्या खोट्या सह्या करून जबरदस्तीने गर्भपात केला. या अत्याचारास कंटाळून महिलेने त्याच्याविरोधात लोणीकंद पोलिस ठाण्यात तक्रार दिली होती.

सात वाजता उठायचं नाही, कामाला लागायचं; अजित पवारांचा आव्हाडांना टोला 

आरोपी राहुलने उच्च न्यायालयाकडून या प्रकरणात जामीन मिळवला. तो जामिनावर बाहेर असताना त्याने महिलेच्या घरी जाऊन माझ्याविरुद्ध दिलेली तक्रार मागे घे, असे म्हणत महिलेस मारहाण करत पुन्हा अत्याचाराचा प्रयत्न केला. याबाबत महिलेने शिक्रापूर पोलिस ठाण्यात फिर्याद दिली. त्यानुसार शिक्रापूर पोलिसांनी राहुल संजय वाळके (रा. पेरणे, ता. हवेली) याच्याविरुद्ध विनयभंग, बलात्काराचा प्रयत्न, मारहाण, शिवीगाळ, दमदाटी करून जिवे मारण्याची धमकी दिल्याप्रकरणी गुन्हा दाखल करून त्यास अटक केली आहे. पुढील तपास पोलिस निरीक्षक सदाशिव शेलार यांच्या मार्गदर्शनाखाली सहायक पोलिस निरीक्षक मयूर वैरागकर हे करत आहेत. 

चीनचा प्रवासी पुण्यातील रुग्णालयात दाखल