वेल्हे (पुणे) : नववर्षाच्या पुर्वसंध्येला वेल्हे तालुक्यातील ऐतिहासिक किल्ले तोरणा व राजगडासह तालुक्याच्या पर्यटनस्थळांवर मद्यपान व अनुचित प्रकार रोखण्यासाठी 
स्थानिक युवकांसह दुर्गप्रेमी संघटना, पोलिस हुल्लडबाजांवर कारवाई करत होते.

- Welcome 2021: दरवर्षी गर्दीने गजबजून जाणारे पुण्यातील रस्ते पडले ओस!​

मावळत्या वर्षाला निरोप देण्यासाठी व नववर्षाचे स्वागत करण्यासाठी वेल्हे तालुक्यातील पर्यटनस्थळांकडे अनेकांची पावले वळतात. यामध्ये दुर्गप्रेमी, पर्यटक येत असतात तर काही हौसी व अतिउत्साही मंडळी किल्ल्यांवर जाऊन मद्यपान करुन किल्ल्यांचे पावित्र्य भंग करण्याचा प्रयत्न करतात. यातून किल्ल्यांवर अपघात होणे, गटागटांमध्ये भांडणतंटे निर्माण होणे. असे प्रकार घडतात. 

या पार्श्वभुमीवर वेल्हे पोलिसांच्या मदतीने स्थानिक युवकांची दुर्गसंवर्धन समिती हि किल्ले राजगडपायथा भोसलेवाडी येथे येणाऱ्या पर्यटकांना विनंती करुन गडावर मांस व मद्य नेण्यास अटकाव करीत होते. यावेळी सचिन धायगावे, सागर उफाळे, योगेश रेणुसे दत्ता धरपाळे, मारुती धायगावे, नितीन वालगुडे, मकरंद शिंदे, गणेश भंडारी, संदिप कुंभार आदी उपस्थित होते.

- Welcome 2021 : न्यूझीलंडमध्ये झालं नव्या वर्षाचं भन्नाट स्वागत; पाहा व्हिडिओ! 

किल्ले तोरणाच्या पायथ्याला य़ुथ होस्टेल असोसिएशनच्या कार्यकर्त्यांनी पोलिसांच्या मदतीने चेक नाका तयार केला होता. दुर्गसंवर्धन समिती व युथ होस्टेल असोसिएशनचे कार्यकर्ते गेल्या अनेक वर्षांपासून हा अभिनव उपक्रम राबवित आहेत. तर वेल्हे तालुक्याच्या पुर्वेकडील प्रवेश असणाऱ्या आंबवणे गावच्या हद्दीमध्ये चेकनाका तयार करुन गाडी तपासणी करुन प्रवेश दिला जात होता.

यावेळी पोलिस कांतीलाल कोळपे, विशाल मोरेंसह, पथकातील पंचायत समितीचे नंदकिशोर सत्वधर, अशोक कोकरे, होमगार्ड अमित सरपाले, विलास गायकवाड, करण मिंढे, स्वप्निल शिंदे, गौरव खुटवड आदींनी कारवाईत भाग घेतला. तर पानशेत परिसराकडून येणाऱ्या मार्गावर व शासनाच्या नियमानुसार हॉटेल रिसॉर्टची पाहणी पोलिस कॉन्सेबल औंदुबर अडवाल व अभय बर्गे करत होते. 

- श्वान आणि रिक्षावाल्याची हृदयस्पर्शी गोष्ट; लेखिकेची पोस्ट सोशल मीडियात व्हायरल!​