पुणे : खुनाच्या प्रकरणामध्ये जन्मठेपेची शिक्षा भोगणाऱ्या कैद्याने येरवडा कारागृहातील कोठडीचे गज कापून पलायन केले होते. तब्बल दहा वर्षे पोलिसांना गुंगारा देणाऱ्या या कैद्यास अखेर येरवडा पोलिसांनी नगर येथे सापळा रचून अटक केली.
बाळासाहेब बजाबा पवार (वय ४९, रा.मंगलापूर, संगमनेर, नगर)असे अटक केलेल्या कैद्याचे नाव आहे. याप्रकरणी तत्कालीन तुरूंग अधिकारी दत्तात्रय खांडेकर (वय ४०) यांनी फिर्याद दिली होती. त्यावरुन पवार विरुद्ध गुन्हा दाखल झाला होता.
पोलिसांनी दिलेल्या माहितीनुसार, आरोपी पवार यास एका खुन प्रकरणात जन्मठेपेची शिक्षा झाली होती. त्यानंतर त्याची येरवडा मध्यवर्ती कारागृहात रवानगी करन्यात आली होती. दरम्यान, पवारने १६ जून २००९ रोजी पहारेकऱ्याची नजर चुकवून कोठडीचे गज कापून पलायन केले होते. अनेक महिने त्याचा शोध घेऊनही तो पोलिसांना गुंगारा देत होता. येरवडा पोलीस ठाणे अंतर्गत विविध गुन्ह्यात पाहिजे असलेले आरोपींचा शोध घेण्यासाठी विशेष पथक स्थापन करण्यात आली आहे.
त्यानुसार पथकाचे पोलिस उपनिरीक्षक हनुमंत भोसले यांच्या नेतृत्वाखाली कर्मचारी पंकज मुसळे, गणेश पाटोळे, समीर भोरडे यांचे पथक पसार आरोपींचा शोध घेत होत. दरम्यान येरवडा कारागृहातून दहा वर्षापूर्वी पळालेला बाळासाहेब पवार हा नगर येथे राहत असल्याची माहिती पथकास मिळाली. त्यानुसार पथकाने त्यास नगर येथे सापळा रचून त्याला अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.