खडकवासला (पुणे) : यंदाच्या पावसाळ्यात खडकवासला धरणातून मुठा नदीत 12.60 टीएमसी पाणी सोडले आहे. तरी देखील पावसाळ्याच्या शेवटच्या दिवशी खडकवासला, पानशेत, वरसगाव आणि टेमघर ही चार धरणं 100 टक्के भरलेली आहेत. परिणामी वर्षभरचा शेती आणि पिण्यासाठी लागणारा मुबलक पाणीसाठा जमा झालेला आहे. 

- फॅमिली कोर्टमधील तत्काळ दाव्यांच्या सुनावणीला मिळणार गती; इतर प्रकरणांना 'तारीख पे तारीख'!​

यंदा चार ही धरणात 29.15 टीएमसी पाणीसाठा उपलब्ध आहे. मागील वर्षी तो 28.32 टीएमसी म्हणजे 97.15 टक्के होता. म्हणजे एक एक टीएमसीने कमी आहे. 2018मध्ये सुमारे 24.80 टीएमसी म्हणजे 85.07 टक्के पाणीसाठा होता. दोन वर्षापूर्वी पेक्षा यंदा 4.35 टीएमसी पाणीसाठा जास्त जमा आहे. असे असले तरी 2019मध्ये खडकवासला धरणातून 43.65 टीएमसी पाणी मुठा नदीत सोडले होते. 2018मध्ये 20.89 तर 2017मध्ये 8.06टीएमसी पाणी मुठा नदीत सोडले होते. वरसगाव धरण 100 भरते त्यावेळी 12.82 टीएमसी जमा झालेले असते. तेवढेच म्हणजे 12.60 टीएमसी पाणी यंदा खडकवासला धरणातून मुठा नदीत सोडले आहे. 

- पुण्यात घडली किळसवाणी घटना; अल्पवयीन मुलीचे अपहरण करून सामूहिक बलात्कार​

वर्षभराच्या पाण्याचे नियोजन
खडकवासला धरण साखळी क्षेत्रात 29.15 टीएमसी पाणी जमा होते. राज्य सरकारने पुणे महापालिकेला उपलब्ध लोकसंख्येनुसार सुमारे साडे अकरा टीएमसी पाणी खडकवासला धरणातून घेण्याची मान्यता दिली आहे. परंतु मागील काही वर्षांपासून महापालिका धरणातून सुमारे 18 टीएमसी पाणी घेत आहे. त्यानुसार, उरलेल्या 11.15 टीएमसी पाण्यात शेतीचे चार आवर्तन दिली जातात. यामध्ये, चार ही धरण कालव्यातील सुमारे दोन टीएमसी पाण्याचे बाष्पीभवन होत असते. त्यातून उरलेल्या पाण्याचे शेतीसाठी नियोजन केले जात असते. त्यामध्ये, रब्बी व उन्हाळी अशी चार आवर्तने असतात. यामध्ये, तीन ते साडेचार टीएमसी पर्यंतची आवर्तन असतात. शेतीसाठी गरज भासल्यास पालिकेने वापरलेले पाण्याचा पुनर्वापर केला जातो हे साधारणपणे दोन ते तीन टीएमसी पाणी घेतले जाते. दरम्यान, हे नियोजन कालवा सल्लागार समितीच्या बैठकीत याचे नियोजन केले जाते. 

- 'पदवीधर'साठी भाजपचे महानोंदणी अभियान; अडीच हजार कार्यकर्ते उतरणार रस्त्यावर​

यंदा कमतरता भासणार नाही
यंदा धरणाच्या पाणलोट क्षेत्रात आणि लाभ क्षेत्रात देखील पाऊस चांगला झाला आहे. तसेच 31 ऑक्टोबर अखेर धरणात 100 टक्के पाणी आहे. यंदा पाण्याची कमतरता भासणार नाही. कालवा सल्लागार समितीच्या बैठकीत शहराला पिण्यासाठीचे पाणी राखीव ठेऊन उर्वरित पाणी शेतीसाठी दिले जाते. हे पाणी शेतकऱ्यांच्या मागणीनुसार ते चार आवर्तनांतून देऊन त्यांना न्याय देण्याची भूमिका असेल.
- विजय पाटील, कार्यकारी अभियंता, खडकवासला पाटबंधारे विभाग

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)