पुणे : देशभरातील कामगार संघटनांनी पुकारलेल्या उद्याच्या (ता. 8) संपाला शिक्षक आणि शिक्षकेतर संघटनांनी पाठिंबा जाहीर केला आहे. मात्र, त्याचा पुणे शहर आणि जिल्ह्यातील कोणत्याही शाळेच्या कामकाजावर परिणाम होणार नाही. सर्व शाळा सुरू राहणार आहे, असे शिक्षणाधिकारी कार्यालयाकडून सांगण्यात आले.
पुण्याचे शिक्षणाधिकारी डॉ. गणपत मोरे यांनी शहरासह जिल्हयातील सर्व शाळा नियमितपणे सुरू राहतील, असे स्पष्ट केले आहे. मुख्याध्यापक संघाचे अध्यक्ष हरिश्चंद्र गायकवाड म्हणाले, "आमची संघटना बंदमध्ये सहभागी नाही. सर्व मुख्याध्यापक नियमितपणे शाळेवर हजर असतील. शाळाही सुरू राहतील.'' महाराष्ट्र राज्य शिक्षकेतर संघटनांचे महामंडळचे सचिव शिवाजी खांडेकर म्हणाले, "संपाला आमचा पाठिंबा आहे. मात्र, आम्ही संपात सहभागी होणार नाही.''
शिक्षक शिक्षकेतर संघटनांनी या संपाला पाठिंबा दिला असला, तरी संपात सहभाग घेणार नसल्याने पुण्यातील सर्व शाळा सुरूच राहणार आहेत. राज्याचे शिक्षण संचालक दिनकर पाटील यांच्याशीही "सकाळ'ने याबाबत संपर्क साधला. ते म्हणाले, "कामगार संघटनांच्या बंदमध्ये संपूर्ण सहभागाचे पत्र शिक्षक वा कर्मचारी संघटनांकडून संचालनालयाकडे आलेले नाही. त्यामुळे शाळा बंद राहण्याचा प्रश्नच उद्भवत नाही. पुण्यासह राज्यात उद्या नेहमीप्रमाणे शाळा सुरू राहतील.''
Video : पुण्यात अभविप कार्यालयाच्या नामफलकाला फासले काळे
जनता शिक्षक महासंघाचे अध्यक्ष अनिल बोरनारे यांनी सांगितले, की ''आमच्या संघटनेने या "बंद'ला पाठिंबा दिला आहे. परंतु कोणीही कामावर गैरहजर राहणार नाही, तर काळ्या फिती लावून काम करणार आहेत.''
Video : शनिवारवाड्यात आले मस्तानीचे वंशज: पाहा कोण आहेत ते?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.