पुणे : दहीहंडी उत्सवात झालेल्या भांडणाच्या रागातून एका तरुणावर चौघांनी एका तरुणास निर्जनस्थळी नेऊन त्यास पट्ट्याने आणि बांबूने जबर मारहाण केली. ही घटना वडगाव बुद्रुक येथील शिंदे मैदानाजवळच्या परिसरात बुधवारी (ता.6) रात्री साडे नऊ वाजण्याच्या सुमारास घडली. याप्रकरणी सिंहगड पोलिसांनी दोघांना अटक केली आहे. 

उमेश संदिप भुतकर (वय 19, रा. निवृत्तीनगर, चरवडवाडी, वडगाव बुद्रुक) आणि लखन बालाजी कांबळे (वय 24, रा. साईधाम, हॅपी कॉलनी, नऱ्हे) असे अटक केलेल्या संशयित आरोपीची नावे आहेत. तर अन्य दोघांविरुद्ध गुन्हा दाखल करण्यात आला आहे. याप्रकरणी आंबेगाव बुद्रुक येथे राहणाऱ्या 21 वर्षीय तरुणाने सिहंग पोलिस ठाण्यात फिर्याद दिली आहे.

- 'या' पदवीधर मतदारसंघात तीन लाख नवे मतदार

पोलिसांनी दिलेल्या माहितीनुसार, फिर्यादी आणि आरोपी यांची दहीहंडी उत्सवाच्यावेळी किरकोळ कारणावरुन बाचाबाची झाली होती. दरम्यान, फिर्यादी हे बुधवारी रात्री साडे आठ वाजण्याच्या सुमारास त्यांच्या दुचाकीवरुन वडगाव बुद्रुक येथून जात होते. त्यावेळी भुतकर, कांबळे आणि त्यांच्या साथीदारांनी फिर्यादीस अडविले. दहीहंडीच्यावेळी तुला खूप माज आला होता का? असे धमकावित त्यांना हाताने मारहाण करण्यास सुरूवात केली.

- हिंदुत्वाच्या मुद्द्यावर एक होऊ; नितीन गडकरींना विश्वास

त्यानंतर त्यांना दुचाकीवर बसवून चरवड वस्ती येथील घोड्याच्या तबेल्याच्या पाठीमागे असणाऱ्या शिंदे मैदानाजवळ घेऊन गेले. त्यानंतर तेथे फिर्यादीस शिवीगाळ करुन त्यांच्या हातावर, डोक्‍यावर व तोंडावर पट्ट्याने व बांबुने जबर मारहाण केली. या घटनेत फिर्यादी गंभीर जखमी झाले. या प्रकरणात पोलिसांनी दोघांना अटक केली असून अन्य दोघेजण फरारी आहेत.

- रजनीकांत म्हणतात, 'हा माझ्या विरोधात भाजपचा डाव'; तमिळनाडूत वाद उफाळला