लोणी काळभोर (पुणे) : हवेली तालुक्यातील कदमवाकवस्ती, वाघोली, मांजरी बुद्रुक व नऱ्हे या चार गावात आज पहाटेपासून ये-जा करण्यास घालण्यात आलेली बंदी आठ तासाच्या उठवावी लागली आहे. वाघोली व मांजरी बुद्रुक हद्दीत कायदा व सुव्यस्थेचा प्रश्न निर्माण झाल्याने ही बंदी उठवण्यात येत असल्याची घोषणा हवेलीचे उपविभागीय अधिकारी सचिन बारवकर यांनी केली आहे. 

दिलासादायक, जुन्नर तालुक्यातील ही पाच गावे झाली कोरोनामुक्त

हवेली तालुक्यातील कदमवाकवस्ती, वाघोली, मांजरी बुद्रुक व नऱ्हे या चार गावात या पुढील काळात कोरोनाचा प्रादुर्भाव होऊ नये, यासाठी अत्यावश्यक सेवा वगळता सर्वच प्रकारचे शासकीय, प्रशासकीय व खासगी अधिकारी व कर्मचाऱ्यांना आजपासून सात दिवस या चार गावात येजा करण्यास बंदी घातली होती. मात्र, वाघोली व मांजरी बुद्रुक या दोन्ही गावात सकाळपासूनच कायदा व सुवस्थेचा प्रश्न निर्माण झाला होता. याबाबतची माहिती मिळताच बारवकर यांनी वरील आदेश रद्द करत असल्याचे जाहीर केले आहे. 

बारामतीतील कोऱ्हाळे येथील ज्येष्टाचा कोरोनाने मृत्यू

पुणे व पिंपरी चिचवड शहरातून या चार गावात कोरोना प्रादुर्भआव होऊ नये, यासाठी आज पहाटे पाच वाजल्यापासून येत्या शुक्रवारी (ता. १२) रात्री बारा वाजेपर्यत अत्यावश्यक सेवा वगळता शासकीय व खासगी क्षेत्रात काम करणारे कर्मचारी, अधिकारी यांना पुणे व पिंपरी- चिंचवड शहरातून ये-जा कऱण्यास बंदी घातली होती. या आदेशाची अंमलबंजावणी करण्यासाठी ग्रामपंचायत प्रशासन व पोलिसांनी शनिवारी सकाळपासून मांजरी बुद्रुक व वाघोली हद्दीत येणारे रस्ते बॅरीकेड लाऊन बंद करण्यास सुरुवात केली होती. 

दौंड तालुक्यातील गिरीम येथे 21 लाखांचा गांजा जप्त

मांजरी बुद्रुक व वाघोली गाव वगळता आसपासच्या सर्व गावात येजा करण्यास बंधन नसताना, केवळ याच दोन गावात मनाई सुरु केल्यास स्थानिक नागरिक व पोलिस यांच्या तणावाचे वातावरण निर्माण झाले होते. मांजरी बुद्रुक हद्दीत सकाळी दहा वाजल्यापासून अनेक नागरिकांनी आंदोलन करण्याचा इशाराही दिला होता. या प्रार्श्वभूमीवर पोलिस व ग्रामपंचायत प्रशासनाने ही बंदी उठविण्याची मागणी केली होती.