पुणे - कोरोनाच्या दुसऱ्या टप्प्यात संसर्ग आटोक्‍यात असला तरीही; सारसबागेसह सव्वाशे बागा, उद्यानांना टाळेच राहणार आहे. ज्या भागांतील उद्याने खुली आहेत; त्याठिकाणी नाताळ आणि ‘थर्टी फस्ट’च्या तोंडावर नागरिकांसाठी बंधने असतील. ज्येष्ठ नागरिक आणि दहा वर्षांपर्यंतच्या मुलांना उद्यानांत फिरण्यास राज्य सरकारची परवानगी मिळेपर्यंत बागा व उद्याने बंद राहणार आहेत. 

पुणे : फ्लॅटधारकाला झालेल्या त्रासाबद्दल बिल्डरला मोजावे लागणार १ लाख रुपये​

या काळात बहुतांशी बागा, उद्यानांची देखभाल-दुरुस्ती करण्यात येणार असून, त्याची प्राथमिक कामे हाती घेण्यात येत असल्याचे महापालिका प्रशासनाकडून सांगण्यात आले. शहरात कोरोनाचा संसर्ग वाढल्यापासून बंद ठेवलेल्या दोनशेपैकी ८१ उद्याने दीड महिन्यांपूर्वी उघडली आहेत. त्यामध्ये ज्येष्ठ नागरिक, लहान मुले आणि आजारी व्यक्तींना प्रवेश नसतानाही या नियमाचे  सर्रास उल्लंघन होत असल्याचे निदर्शनास आले आहे. त्यामुळे कोरोनाची साथ पसरण्याची भीती आहे. याबाबींची विचार करून दिवाळी आधीच सारसबाग बंद करण्याचा निर्णय महापालिकेच्या उद्याने खात्याने घेतला आहे. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

नोव्हेंबर-डिसेंबरमध्ये कोरोनाचा दुसरा टप्पा असेल आणि या आजाराचे रुग्ण वाढण्याची भीती होती. मात्र, कोरोनाचा संसर्ग अटोक्‍यात असल्याने बागा, उद्याने उघडण्याचा आग्रह नागरिक आणि लोकप्रतिनिधींकडून होत आहे. परंतु, उद्यानांत ज्येष्ठ नागरिक, लहान मुलांचा वावर दिसून येत असल्याने तूर्तास सर्व बागा-उद्याने उघडणे शक्‍य नाही, असा अभिप्राय महापालिकेच्या उद्यान खात्याचा आहे. त्यामुळे पुढील महिनाभर तरी; ती बंदच राहतील, असे सूत्रांकडून सांगण्यात आले. 

बापरे! पुण्यातील धूलिकणांत झाली तब्बल एवढ्या पटींनी वाढ

देखभाल-दुरुस्तीच्या कामांची गरज  
शहरात सलग दहा महिन्यांपासून बागा, उद्याने बंद ठेवल्याने काही ठिकाणी देखभाल-दुरुस्तीची कामे करावी लागणार असल्याचे स्पष्ट झाले आहे. कोरोना आणखी आटोक्‍यात आल्यास १५ जानेवारीनंतर काही उद्याने खुली होऊ शकतील, असेही महापालिका प्रशासनाकडून सांगण्यात आले.

लॉकडाउनच्या काळात गीर गाईच्या दुधाला दुप्पट मागणी वाढली

कोरोनापासून सुरक्षित राहण्यासाठी उद्यानांत येणाऱ्या नागरिकांच्या प्रवेशावर काही बंधने घातली आहे. परंतु, त्याचे उल्लंघन होत असून मास्क न वापरणे आणि ‘सोशल डिस्टन्सिंग’कडे दुर्लक्ष होत असल्याचे निदर्शनास येत आहे. त्यामुळे आणखी काही दिवस तरी उद्याने पूर्णपणे बंद असतील. 
-अशोक घोरपडे, प्रमुख, उद्यान विभाग, महापालिका