पुणे - ‘कुंचल्याच्या दुनियेत आलो ते शिक्षण सोडून. म्हणून माझ्याकडं तशी शैक्षणिक डिग्री नाही. ती आहे की नाही, हेही कुणी कधी विचारलंही नाही,’’ अशी कबुली देत शिक्षणापेक्षा आपण व्यंग्यचित्रांच्या दुनियेत ‘राज्य’ करीत असल्याचे महाराष्ट्र नवनिर्माण सेनेचे अध्यक्ष राज ठाकरे यांनी मंगळवारी सांगितले. या कार्यक्रमात एका व्यंग्यचित्रकाराचे भाषण ऐकून राज यांनी त्यांना ‘मनसे’त ‘ऑफर’ देत हशा पिकवला.
झील इन्स्टिट्यूट आणि कार्टुनिस्ट कंबाईन यांच्यातर्फे शालेय विद्यार्थ्यांसाठी आयोजिलेल्या व्यंग्यचित्र कार्यशाळेचे उद्घाटन राज यांच्या हस्ते झाले. त्या वेळी त्यांनी विद्यार्थ्यांसह व्यंग्यचित्रकारांना ‘धडे’ दिले. ज्येष्ठ व्यंग्यचित्रकार शि. द. फडणीस, चारुहास पंडित, जयेश काटकर आदी उपस्थित होते.
आपल्या आवडीच्या क्षेत्रातील कार्यक्रमाला हजेरी लावलेल्या राज यांनी राजकारणापेक्षा कलेबाबत आपली भूमिका मांडली आणि राजकीय सभांप्रमाणे दीड मिनिटांच्या भाषणात हा कार्यक्रमही जिंकला.
विशेष म्हणजे, राज येणार असल्याने विद्यार्थ्यांसह पालकांनी प्रचंड गर्दी केली होती. ही गर्दी पाहून त्यांनी राजकीय विधानाला बाजूला सारत विद्यार्थ्यांचा उत्साह पाहून त्यांना प्रोत्साहन दिले.
राज म्हणाले, ‘‘चित्रकेलासारखा विषय सरकार ‘ऑप्शनल’ला ठेवते, तेव्हा संस्थांनी पुढाकार घेऊन या विषयाला प्रोत्साहन देण्याची गरज आहे. कला अंगीकरणे, ती जोपासणे आणि वाढविण्यासाठी शैक्षणिक डिग्रीची आवश्यकता नाही. या क्षेत्रात येण्यासाठीच मी जे. जे. आर्ट ऑफ स्कूलमध्ये प्रवेश घेतला. त्यानंतर माझ्याकडे कोणती डिग्री आहे, हे महत्त्वाचे ठरले नाही.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.