जुन्नर(पुणे): सीसीटीव्ही फुटेजमुळे जुन्नर शहर व परिसरातून मोटरसायकल चोरांच्या टोळीचा तपास लागला असून यातील तिघांना जुन्नर पोलिसांनी जेरबंद केले आहे.

ताज्या बातम्यांसाठी डाऊनलोड करा ई-सकाळचे ऍप 
पुण्याच्या बातम्या वाचण्यासाठी येथे  क्लिक करा

सदर आरोपीकडून चार मोटारसायकल हस्तगत केल्या असून आणखी काही दुचाकी वाहने मिळण्याची शक्यता असल्याचे पोलीस निरीक्षक युवराज मोहिते यांनी सांगितले. सुरज जयसिंग परदेशी, अकलाख आसिफ शेख, उमेज हारूण पठाण उर्फ डी. जे. सर्व रा. कागदीवाडा, जुन्नर अशी आरोपींची नावे आहेत. 

तीस दिवसांच्या बाळाची झुंज यशस्वी; ससूनमध्ये उपचार

येथील भाईकोतवाल चौक मोटार सायकल चोरी करताना एका हॉटेलच्या सीसीटीव्ही फुटेजमध्ये कैद झालेल्या आरोपींना फिर्यादीने ओळखले असल्याचे मोहिते यांनी सांगितले. सर्व आरोपींना पोलीस कोठडी मिळाली आहे. ज्या नागरिकांच्या मोटारसायकल चोरीस गेल्या आहेत. त्यांनी पोलीस ठाण्याशी संपर्क साधावा असे कळविण्यात आले आहे.

आंबेगाव तालुक्यातील 'या' भागात सापडले 2 कोरोना पॉझिटिव्ह

जुन्नर येथील अब्दुल कुरेशी यांचेकडे गवंडीकाम करणाऱ्यास ३१ मेच्या मध्यरात्री आरोपींनी तो मोटर सायकलवरुन घरी जात असताना भाईकोतवाल चौक येथे अडवून मारहाण करून त्याचे खिशातील  रोख रक्कम रुपये १६,००० तसेच  पॅनकार्ड, मतदानकार्ड , आधारकार्ड व मोबाईल काढून घेतला. सदर प्रकारबाबत पोलीस स्टेशनला तक्रार दिली तर ''तुला जीवे ठार मारु व परत दिसला तर तुझे हातपाय मोडु'' अशी धमकी दिली. एकाने मोटारसायकल लांबविली व  दोघे दुसऱ्या  मोटार सायकलवरून पळून गेले होते.