वेल्हे (पुणे) : वेल्हे तालुक्यातील अंबवणे येथील सहा जणांचे तपासणी अहवाल निगेटिव्ह आले असल्याची माहिती तालुका वैद्यकिय
अधिकारी डॉ. अंबादास देवकर यांनी दिली. त्यामुळे वेल्हे तालुक्यातील नागरिकांना दिलासा मिळाला आहे.
अंबवणे येथील २५ वर्षीय युवक भोर तालुक्यातील वरवे येथील एका खासगी कंपनीत कामानिमित्त जात होता. या कंपनीतील एका कर्मचा-याला २५ जून रोजी कोरोनाची बाधा झाल्याचे निष्पन्न झाले होते. त्यानंतर या व्यक्तीच्या संपर्कातील १८ व्यक्तींना कोरोना तपासणीसाठी पाठविले होते. यामध्ये वेल्हे तालुक्यातील अंबवणे येथील पंचवीस वर्षीय युवकास कोरोनाची बाधा झाल्याचे स्पष्ट झाले होते. त्यानंतर या युवकाच्या संपर्कातील सहा जणांचे स्वॅब वेल्हे येथील कोविड केअर सेंटरमध्ये १ जून रोजी घेऊन तपासणीसाठी पुणे येथील एनआयव्हीमध्ये पाठविण्यात आले होते. या व्यक्तींचे तपासणी अहवाल काल प्राप्त झाले असून, सहाही जणांची टेस्ट निगेटिव्ह आली आहे. त्यामुळे अंबवणे गावाला दिलासा मिळाला आहे.
याबाबत गटविकास अधिकारी विशाल शिंदे यांनी सांगितले की, या व्यक्तींचे तपासणी अहवाल निगेटिव्ह आले असले, तरी या युवकाच्या संपर्कातील व्यक्तींची आरोग्य विभागाकडून नियमित तपासणी करण्यात येणार आहे. गावामध्ये नियमित औषध फवारणी करण्याच्या सूचना ग्रामपंचायतीस दिल्या आहेत.
ग्रामविकास अधिकारी ए. पी. भोसले यांनी सांगितले की, गावामध्ये येणारे सर्व छुपे रस्ते बंद करण्यात आले असून, गावातील दुकाने निर्धारीत कालावधीसाठी बंद राहणार आहे. तर विनाकारण फिरणा-या व मास्क न लावणा-या नागरिकांवर कारवाई करण्यात येणार आहे. वेल्हे तालुक्यात कोरोनाबाधितांची संख्या ३६ झाली असून, त्यापैकी ३२ रुग्णांनी कोरोनावर मात केली आहे, तर चार बाधितांवर उपचार सुरू असल्याची माहिती वेल्हे तालुका वैद्यकिय अधिकारी डॉ. अंबादास देवकर यांनी दिली.
वेल्हे तालुक्याचे प्रवेशद्वार असलेल्या अंबवणे गावामध्ये भारतीय स्टेट बॅंक व जिल्हा सहकारी या दोन बॅंकांच्या शाखा आहेत. न या ठिकाणी अनेक शासकिय कार्यालय आहेत. त्यामुळे परिसरातील शेकडो नागरिकांचे गावामध्ये येणे जाणे असते. अंबवणे गावातच रुग्ण सापडल्याने भितीचे वातावरण तयार झाले होते. परंतु, संबधित व्यक्तीच्या संपर्कातील सहा जणांचे रिपोर्ट निगेटिव्ह आल्याने येथील नागरिकांना दिलासा मिळाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.