नारायणगाव (पुणे) : कोरोना संसर्गाच्या पार्श्वभूमीवर असलेल्या नियम व अटींचे पालन न करता जास्त वऱ्हाडी मंडळींची गर्दी करून विवाह केल्याबद्दल जुन्नर तालुक्यातील बोरी खुर्द येथील दोन कार्यमालकांवर नारायणगाव पोलिसांनी गुन्हा दाखल केला आहे. 

पुण्यात पावसाचा जोर ओसरणार

नारायणगाव येथील व्यापाऱ्याने आपल्या घरातील थाटामाटात केलेल्या विवाहामुळे वधू, वर, वरपिता, फोटोग्राफर यांच्यासह तेवीस जणांना कोरोनाची लागण झाल्याची घटना ताजी असताना तीच चूक बोरी खुर्द येथील दोन कार्यमालकांनी केली आहे. या प्रकरणी कार्यमालक चंद्रकांत विष्णू पटाडे व रूपेश बबन पटाडे (दोघेही राहणार बोरी खुर्द, ता. जुन्नर) यांच्यावर नारायणगाव पोलिसांनी गुन्हा दाखल केला आहे, अशी माहिती सहायक पोलिस निरीक्षक डी. के. गुंड यांनी दिली.

पुणे विद्यापीठाच्या जयकर ग्रंथालयाने पोचववला पुस्तकांचा ठेवा विद्यार्थ्यांच्या घरात

जुन्नर तालुक्यात कोरोनाचा संसर्ग वाढत असताना व प्रशासनाने सक्त ताकीद दिली असतानाही जास्त लोकांच्या उपस्थितीत विवाह करण्याची हौस काही पूर्ण होत नाही. आजअखेर एकूण चार कार्यमालकावर गुन्हा दाखल झाला आहे. पहिल्या दोन विवाह सोहळ्यामुळे सुमारे साठ जणांना कोरोनाचा संसर्ग झाला होता. गुन्हा दखल करूनही कार्यमालकांनी हम नही सुधरेंगे, अशी भूमिका घेतल्याने प्रशासन हतबल झाले आहे. बेजबाबदार व्यक्तींमुळे कोरोना समस्या दिवसेंदिवस जटिल होत चालली आहे. जुन्नर तालुक्यात आजअखेर कोरोना रूग्णांची एकूण संख्या १ हजार १२४ झाली असून, ४५ जण मृत झाले आहेत.

करू का अजितदादांना फोन..

याबाबत सहायक पोलिस निरीक्षक गुंड म्हणाले की, कोरोना संसर्गाचा हॉटस्पॉट झाल्याने नारायणगाव, वारुळवाडी परिसर प्रतिबंधित क्षेत्र म्हणून तर पाच किलोमीटर परिसर बफर झोन जाहीर करण्यात आला आहे. त्यामुळे नियम व अटींचे पालन करून विवाह करण्यास जास्तीत जास्त वीस लोकांची मर्यादा आहे.अ से असताना ३० ऑगस्ट रोजी बोरी खुर्द येथील चंद्रकांत पटाडे व  रूपेश पटाडे या दोन कार्यमालकांनी आपल्या पाल्यांच्या विवाहासाठी गर्दी केली होती. याबाबतची माहिती मिळताच पोलिसांनी घटनास्थळी जावून दोन्ही कार्यमालकांवर गुन्हा दाखल केला आहे.