देहू : 'तुकाराम बीज' सोहळ्यासाठी देहूत आलेले भाविक बीज झाल्यानंतर एकादशीनिमित्त आळंदीला गेले होते. त्याचवेळी राज्यात कोरोना व्हायरसचा फैलाव होऊ लागल्याने सर्वत्र लॉकडाऊन करण्याचे आदेश मुख्यमंत्री उद्धव ठाकरे यांनी दिले.
त्यामुळे अचानक झालेल्या लॉकडाउनच्या निर्णयामुळे आळंदीला गेलेले वारकरी तेथेच अडकून पडले. राज्यातील विविध भागातून आलेल्या वारकऱ्यांपैकी १२-१३ जणांनी चालत प्रवास करून आकुर्डीतील विठ्ठल-रुक्मिणी मंदिर गाठले. नंतर तेथेही गर्दी होऊ लागल्याने काही वारकऱ्यांनी आकुर्डी रेल्वे स्टेशनजवळील एका पदपथाचा आश्रय घेतला. तर काही वारकरी अजूनही देहू-आळंदी परिसरातच आहेत.
गेल्या काही दिवसांपासून हे सर्व वारकरी तेथेच वास्तव्यास असून काही संस्थांतर्फे त्यांच्या खाण्याची रोज सोय केली जात आहे. मात्र, रात्री पदपथावरच झोपावे लागत असल्याने त्यांना डासांचा त्रास सहन करावा लागत आहे. त्यामुळे लॉकडाउन उठण्याची आणि घराकडे जाण्याचे वेध लागले आहेत.
दरम्यान, कोरोनाचा प्रसार रोखण्यासाठी पिंपरी-चिंचवड महापालिका आयुक्त श्रावण हार्डिकर यांनी रविवारी (ता.१९) मध्यरात्री १२ वाजेपासून २७ एप्रिलपर्यंत संपूर्ण शहर सील करण्याचा निर्णय घेतला. त्यामुळे शहराच्या सर्व सीमा व प्रमुख रस्ते बंद करण्यात आले आहेत. त्यामुळे पिंपरी-चिंचवड महापालिका क्षेत्रात अडकलेल्या वारकऱ्यांची २७ एप्रिलपर्यंत सुटका होणे सध्यातरी अवघड असल्याचे दिसून येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.