शिरूर (पुणे) : राज्य परिवहन महामंडळाची (एसटी) लालपरी प्रथम एक जून 1948 रोजी पुणे- नगर मार्गावरून धावली. शिरूरमधील चालकानेच या पहिल्या बसचे स्वारथ्य केले होते व शिरूरच्या बसस्थानकावर या बसचे धुमधडाक्‍यात स्वागत झाले होते.

आदिवासी महिलांच्या चेहऱ्यावरील हसू सांगतय, डोक्यावरील हंडा उतरल्याचे सुख

या घटनेलाकाल 72 वर्षे पूर्ण झाल्यानंतर दिवसभर त्याविषयी सोशल मिडीयावरून चर्चा चालू होती. कुणी त्यावेळच्या बसचे फोटो टाकले; तर कुणी स्वागताचे फोटो शेअर करून एसटीच्या आठवणी जागवल्या.

शिरूरमध्ये वडिल व मुलाचा विजेचा धक्क्याने मृत्यू  

परिवहन महामंडळाची स्थापना झाल्यानंतर महामंडळाची (एसटी) पहिली बस पुणे - नगर या महामार्गावर धावली. पुण्यातून तत्कालीन कलेक्टरांच्या हस्ते हिरवा झेंडा दाखवल्यावर ही बस नगरच्या दिशेने रवाना झाली. तीचा पहिला थांबा शिरुर होता. या पहिल्या - वाहिल्या बसचे सारथ्य शिरुर येथील दत्तोबा पवार यांनी केले. तीन वर्षांपूर्वी त्यांचे निधन झाले.

कोरोनाला हरविण्यासाठी काय पण, बारामतीत आजोबांकडून रक्तदान  

रुर स्थानकावर या बसचे जल्लोषात स्वागत झाले. स्वागतासाठी खास वाजंत्री लावली होती.  शिरुर स्थानकावर या एसटी बसला दोन्ही बाजूंनी ऊसाचे वाढे लावले होते व छोटा हार घातला होता.  चालक दत्तोबा पवार यांचा स्थानकावर फेटा बांधून सत्कार देखील करण्यात आला होता.  शिरुर शहर व परिसरात आज देखील एसटी मधे काम केलेले अनेक जूने कर्मचारी असून त्यांनी या माहितीला दुजोरा दिला आहे. तसेच, शिरुर आगारातील पहिली एसटी चालविण्याचा मान येथील (स्व.) ज्ञानोबा शंकर ओतारी यांना मिळाला.

   .